سەرۆک بارزانی لە یادی لەدایكبوونی پێغەمبەری ئیسلام: دەخوازم فەرهەنگی پێكەوەژیان و برایەتی لەنێو گەلەكەماندا قووڵتر ببێت

 

 

سەرۆک مەسعود بارزانی لە پەیامەکەیدا داوا لە خودای گەورە دەکات، "ده‌رگای خێر و به‌ره‌كه‌ت و رەحمەت به‌ رووی گه‌لی كوردستان و گه‌لانی عێراق و ناوچه‌كه‌ بكاته‌وه و ئاشتی و مرۆڤدۆستی سەرانسەری جیهان و ناوچەكەمان بگرێتەوە." 

 

باسی لەوەش کردووە، "لە یەزدانی مەزن دەخوازم فەرهەنگی پێكەوەژیان و برایەتی و تەبایی لەنێو گەلەكەماندا قووڵتر و فراوانتر ببێت." 

 

 

بەناوی خودای بەخشندەی میهرەبان

 

به‌بۆنه‌ی یادی له‌ دایكبوونی پێغه‌مبه‌ری مه‌زن، حەزرەتی محه‌ممه‌دولمسته‌فا (دروودی خوای لەسەر بێت) پیرۆزبایی له‌ هەموو موسڵمانانی جیهان و عێراق و كوردستان ده‌كه‌م.

 

له‌م بۆنه‌ پیرۆزه‌دا لە خودای گەورە داواكارم ده‌رگای خێر و به‌ره‌كه‌ت و رەحمەت به‌ رووی گه‌لی كوردستان و گه‌لانی عێراق و ناوچه‌كه‌ بكاته‌وه و ئاشتی و مرۆڤدۆستی سەرانسەری جیهان و ناوچەكەمان بگرێتەوە.

 

هەروەها لە یەزدانی مەزن دەخوازم فەرهەنگی پێكەوەژیان و برایەتی و تەبایی لەناو گەلەكەماندا قووڵتر و فراوانتر ببێت.

 

والسلام علیكم ورحمة‌ الله وبركاته‌

 

مەسعود بارزانی

 

8ی تشرینی یەكەمی 2022