کوردستان
![مەسرور بارزانی، سەرۆکی حکومەتی هەرێمی کوردستان و محەممەد حاجی مەحموود، سکرتێری گشتیی حیزبی سۆسیالیست دیموکراتی کوردستان مەسرور بارزانی، سەرۆکی حکومەتی هەرێمی کوردستان و محەممەد حاجی مەحموود، سکرتێری گشتیی حیزبی سۆسیالیست دیموکراتی کوردستان](https://www.rudaw.net/s3/rudaw.net/ContentFiles/594498Image1.jpg?mode=crop&quality=70&rand=1&scale=both&w=752&h=472&version=4258709)
مەسرور بارزانی، سەرۆکی حکومەتی هەرێمی کوردستان و محەممەد حاجی مەحموود، سکرتێری گشتیی حیزبی سۆسیالیست دیموکراتی کوردستان
رووداو دیجیتاڵ
سەرۆکی حکومەتی هەرێمی کوردستان بەبۆنەی ساڵیادی دامەزراندنی حیزبی سۆسیالیست دیموکراتی کوردستان پەیامێکی پیرۆزبایی ئاراستەی سکرتێری گشتیی حیزبەکە کرد و ئومێد دەخوازێت یادەکە ببێتە مایەی پەرەپێدانی زیاتری پەیوەندی و هەماهەنگیی نێوان هێز و لایەنە کوردستانییەکان.
مەسرور بارزانی، سەرۆکی حکومەتی هەرێمی کوردستان لە پەیامەکەیدا کە ئاراستەی محەممەد حاجی مەحموود، سکرتێری گشتیی حیزبی سۆسیالیست دیموکراتی کوردستانی کردووە، جگە لە پیرۆزبایی، هیوای سەرکەوتنی بۆ سەرکردایەتی، ئەندام و لایەنگرانی خواستووە.
لە بەشێکی پەیامەکەی سەرۆکی حکومەتی هەرێمی کوردستاندا هاتووە "ئومێدەوارم ئەم یادە، ببێتە مایەی پەرەپێدانی زیاتری پەیوەندی و هەماهەنگیی نێوان هێز و لایەنە کوردستانییەکان لەپێناو پاراستن و داکۆکیکردن لە دەسکەوتە نیشتمانییەکان و مافە دەستوورییەکانمان و کارنامەی چاکسازیی حکومەتی هەرێمی کوردستان".
دەقی پەیامەکەی مەسرور بارزانی، سەرۆکی حکومەتی هەرێمی کوردستان:
بەڕێز محەمەدی حاجی مەحمود سکرتێری گشتیی حزبی سۆسیالیست دیموکراتی کوردستان
بە بۆنەی چل و پێنجەمین ساڵیادی دامەزراندنی حزبی سۆسیالیست دیموکراتی کوردستان، گەرمترین پیرۆزبایی لە بەڕێزتان و سەرکردایەتی و ئەندام و لایەنگرانی حزبە تێکۆشەرەکەتان دەکەم و هیوای سەرکەوتنتان بۆ دەخوازم.
ئومێدەوارم ئەم یادە، ببێتە مایەی پەرەپێدانی زیاتری پەیوەندی و هەماهەنگیی نێوان هێز و لایەنە کوردستانییەکان لەپێناو پاراستن و داکۆکیکردن لە دەسکەوتە نیشتمانییەکان و مافە دەستوورییەکانمان و کارنامەی چاکسازیی حکومەتی هەرێمی کوردستان.
مەسرور بارزانی
سەرۆکی حکومەتی هەرێمی کوردستان
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ