هەڵەیەک روویدا! دووبارە هەوڵبدە
رووداو دیجیتاڵ
دوای شەش رۆژ لە خنکانی، ئەمڕۆ تەرمی گەنجێک لەنێو زێی گەورە لە سنووری خەبات دۆزرایەوە.
رەیان عوسمان، تەمەنی 20 ساڵ و دانیشتووی قەزای خەبات بوو، 2ـی نیسان کاژێر 04:00ـی ئێوارە کەوتبووە نێو زێی گەورە.
رۆژی سێشەممە، 8ـی نیسانی 2025، شاخەوان سەعید، گوتەبێژی بەرگریی شارستانیی هەولێر بە تۆڕی میدیایی رووداوی راگەیاند، دوای شەش رۆژ، ئەمڕۆ تیمەکانیان تەرمی ئەو هاونیشتمانییەیان دۆزیوەتەوە.
وەک گوتەبێژی بەرگریی شارستانیی هەولێر دەڵێت: "تیمەکانمان لەم ماوەیەدا بەردەوام بوون لە گەڕان بەدوای تەرمی رەیاندا، بەڵام بەهۆی سەختیی شوێنەکەوە تاوەکو ئەمڕۆ نەدۆزرایەوە. ئەمڕۆ نزیک کاژێر 05:00ـی ئێوارە تەرمەکە دۆزرایەوە."
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ