لە سنووری دهۆک ژن و پیاوێک لەنێو ماڵی خۆیاندا کوژران

 

رووداوەکە بەرەبەیانی ئەمڕۆ روویداوە. سەرچاوەکە بە رووداوی گوت، کەسێک چووەتە سەر ماڵی دوو هاوژینەکە لە شوقەیەکدا و تەقەی لێکردوون، بەهۆیەوە هەردووکیان کوژراون، تەنیا منداڵەکەیان کە تەمەنی پێنج مانگە، رزگاری بووە.

 

بەگوێرەی زانیارییەکانی رووداو، ژن و پیاوەکە تەمەنیان 30 و 35 ساڵان بووە.

 

بە گوتەی ئەو سەرچاوەیەی رووداو، پیاوە کوژراوەکە ناوی جوان رێزانە، خۆی و هاوژینەکەی خەڵکی رۆژئاوای کوردستان بوون، جوان چەند ساڵێکە لەنێو پەکەکە گەڕاوەتەوە هەرێمی کوردستان و لە فایدە نیشتەجێن.

 

تەرمی دوو هاوژینەکە براوەتە پزیشکی دادی دهۆک و لێکۆڵینەوە لە رووداوەکە دەستیپێکردووە.