شاندەکە لە فڕۆکەخانەی نێودەوڵەتیی هەولێر پێشوازییان لێ کرا
رووداو دیجیتاڵ
شاندی ئەنجوومەنی وەزاریی عێراق بۆ کاروباری ئابووری گەیشتە هەولێر.
شاندەکە بە سەرۆکایەتیی فوئاد حوسێن، وەزیری دەرەوە و بە بەشداریی تەیف سامی، وەزیری دارایی عێراقە، ئێوارەی ئەمڕۆ (9-7-2024) گەیشتە فڕۆکەخانەی هەولێر.
بەپێی زانیارییەکانی رووداو، سبەی (یەکشەممە، 8-9-2024) کۆبوونەوەكانی هەردوو ئەنجوومەنی وەزاریی عێراق بۆ کاروباری ئابووری و ئەنجوومەنی ئابووریی هەرێمی کوردستان بەئامادەبوونی مەسرور بارزانی، سەرۆکی حکومەتی هەرێمی کوردستان، دەستپێدەکات.
مافی دەستووری، شایستەی دارایی و بودجەی هەرێمی کوردستان، بابەتی سەرەکیی کۆبوونەوەکان دەبن.
کۆبوونەوەكانی هەردوو ئەنجوومەن دوو رۆژ دەخایەنن، تێیاندا گفتوگۆ لەبارەی چارەسەرکردنی کێشە هەڵپەسێردراوەکانی نێوان هەردوولا بەپێی دەستوور دەکرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ