رووداو دیجیتاڵ
لە رووداوێکی هاتووچۆدا لە مهاباد ئۆتۆمبێلێک گڕی گرت و لە ئەنجامدا سێ هاونیشتمانی گیانیان لەدەستدا و دوو هاونیشتمانیی دیکەیش برینداربوون.
شەوی هەینی، 7ـی حوزەیران لە سێڕیانی ترشەکانی نزیک شاری مهاباد لە رۆژهەڵاتی کوردستان ئۆتۆمبێلێک وەرگەڕا و ئاگری تێبەربوو.
سەردار فەداکار، بەڕێوەبەری بەرگریی شارستانیی مهاباد رایگەیاند، "ئۆتۆمبێلێک بە پێنج سەرنشینەوە لە سێڕیانی ترشەکانی نزیک شاری مهاباد وەرگەڕاوە و دەستبەجێ گڕیگرتووە و سێ هاونیشتمانی گیانیان لەدەستداوە و دوو هاونیشتمانیی دیکە بە برینداری گەیەنراوەتە نەخۆشخانە".
بە گوتەی سەردار فەداکار، "بەهۆی زۆری بڕی سووتانەکەیان، دۆخی تەندروستی دوو بریندارەکە ناجێگیرە و لەژێر چاودێریی چڕی پزیشکیدان".
هەر ئەمڕۆ لە پیرانشار ئۆتۆمبێلێک وەرگەڕا و بەهۆیەوە هاونیشتمانییەک گیانی لەدەستدا و دوو هاونیشتمانیی دیکە برینداربوون. بەڕێوەبەری پۆلیسی هاتووچۆی ورمێ هۆکاری رووداوەکەی بۆ نەبوونی هێمای هاتووچۆ گەڕاندەوە و گوتی، شۆفێرەکە شارەزای رێگەکە نەبووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ