رووداو دیجیتاڵ
بەپێی ئامارەکانی وەزارەتی کشتوکاڵ و سەرچاوەکانی ئاو، رێژەی 55%ی ئەو گۆشتەی لە بازاڕەکانی هەرێمی کوردستاندایە بەرهەمی ناوخۆیە و رێژەی 45%یش هاوردە دەکرێت، نرخی گۆشتیش بەراورد بە ساڵی 2021 نزیکەی هەزار دینار بۆ دوو هەزار دینار بۆ هەر کیلۆیەک زیاد بووە.
نرخی یەک سەر ئاژەڵ لە ساڵی 2022 بەم شێوەیە:
- یەک سەر مەڕ: لەنێوان 200 بۆ 300 هەزار دینار.
- یەک سەر بزن: لەنێوان 250 بۆ 300 هەزار دینار.
- یەک سەر مانگا: ملیۆنێک و 200 هەزار بۆ ملیۆنێک و 300 هەزار دینار.
- یەک سەر رەشەوڵاخ: ملیۆنێک و 500 هەزار دینار بۆ سێ ملیۆن و 500 هەزار دینار.
نرخی یەک سەر ئاژەڵ لە ساڵی 2021 بەم شێوەیە بوو:
- یەک سەر مەڕ: لەنێوان 200 بۆ 250 هەزار دینار.
- یەک سەر بزن: لەنێوان 230 بۆ 270 هەزار دینار.
- یەک سەر مانگا: یەک ملیۆن بۆ ملیۆنێک و 200 هەزار دینار.
- یەک سەر رەشەوڵاخ: ملیۆنێک و 300 هەزار دینار بۆ سێ ملیۆن دینار.
رێژەی 55%ی گۆشتی هەرێمی کوردستان لە ناخۆوە دابیندەکرێت، رێژەی 45%یش لە دەرەوە هاوردە دەکرێت. هاوردەکردنی ئاژەڵ لە دەرەوەی هەرێمی کوردستان بەپێی پێداویستیی مانگانەی پارێزگاکان پێشکێش دەکرێت و بە نزیکی بەم شێوەیە:
پارێزگای هەولێر: 3000 سەر ئاژەڵ.
پارێزگاکانی سلێمانی و هەڵەبجە: 3000 سەر ئاژەڵ.
پارێزگای دهۆک: 2000 سەر ئاژەڵ.
نرخی گۆشتی سوور لە ساڵانی 2021 و 2022دا
- لە پارێزگای سلێمانی لە ساڵی 2021 نرخی کیلۆیەک گۆشت 12 بۆ 14 هەزار دینار بووە، ئێستا 17 بۆ 18 هەزار دینارە.
- لە پارێزگای هەولێر لە ساڵی 2021 نرخی کیلۆیەک گۆشتی سوور لە 13 بۆ 15 هەزار دینار بوو، ئێستا 17 هەزار دینارە.
- لە پارێزگای دهۆک لە ساڵی 2021 نرخی کیلۆیەک گۆشتی سوور لە 12 بۆ 15 هەزار دینار بوو، ئێستا 16 بۆ 17 هەزار دینارە.
- لە پارێزگای هەڵەبجە لە ساڵی 2021 نرخی کیلۆیەک گۆشتی سوور لە 13 بۆ 14 هەزار دینار بوو، ئێستا 16 بۆ 18 هەزار دینارە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ