لە دهۆک بەھۆی گڕگرتنی بوتڵێکی غازەوە دوو قوتابی بریندار بوون

 

مەردان ئەحمەد، بەرپرسی بەشە ناوخۆییەکانی زانکۆی دھۆک، بە تۆڕی میدیایی رووداوی راگەیاند: "رووداوەکە کاژێر 12:00ـی شەوی رابردوو روویداوە، ھەردوو قوتابییەکە لە نەخۆشخانەی سووتان و جوانکاریی دھۆک چارەسەر وەردەگرن."

 

مەردان ئەحمەد گوتیشی: "ھەردوو قوتابی خەڵکی قەزای شێخانن، یەکێکیان 12٪ یەکێک 15٪ـی جەستەیان سووتاوە".

 

سەبارەت بە زیانی مادی، بەرپرسی بەشە ناوخۆییەکانی قوتابیان گوتی: "زیانەکان کەمن تەنیا ھەندێ دووکەڵ چووەتە نێو بەشە ناوخۆییەکە".