نێچیرڤان بارزانی داوا دەکات هەموو پێکهاتەکانی عێراق لە بەڕێوەبردنی وڵاتدا بەشدار بن
رووداو دیجیتاڵ
سەرۆکی هەرێمی کوردستان پێشوازی لە شاندێکی کۆلێژی بەرگریی نیشتمانیی سەر بە زانکۆی باڵای سەربازیی عێراق کرد و رایگەیاند، دوای 20 ساڵ لە ئازادیی عێراق، پێویستە "هه‌نگاوى باشتر به‌ره‌و داهاتوو بنێين و هه‌موو پێكهاته‌كانى عێراق پێكه‌وه له به‌ڕێوه‌بردن و بنياتنانى وڵاتدا هاوبه‌ش و به‌شدار بن."
نیوەڕۆی ئەمڕۆ یەکشەممە، 07-05-2023، نێچیرڤان بارزانی، سەرۆکی هەرێمی کوردستان لە هەولێر پێشوازی له شاندێكى كۆلێژى به‌رگريى نيشتمانيى سه‌ر به زانكۆى به‌رگرى بۆ خوێندنى باڵاى سه‌ربازى كرد كه دامه‌زراوه‌يه‌كى زانستى و مه‌شق و راهێنانى سه‌ر به وه‌زاره‌تى به‌رگريى عێراقه و قوتابیيانى له پله‌دارانى سه‌ربازى و به‌رپرسان و راوێژكاران و به‌ڕێوه‌به‌رانى وه‌زاره‌ت و دامه‌زراوه حكومييه‌كان پێكهاتوون و له بوارى به‌رگرى و به‌ڕێوه‌بردندا بڕوانامه به‌ده‌ست ده‌هێنن.
بەگوێرەی راگەیێندراوێکی سەرۆکایەتیی هەرێمی کوردستان، نێچیرڤان بارزانی وێڕای دەربڕینی خۆشحاڵیی خۆی بە سەردانی شاندەکە، بره‌ودان به په‌يوه‌ندييه‌كانى نێوان ده‌زگا و دامه‌زراوه‌كانى بوارى به‌رگرى و سه‌ربازى و هه‌موو بواره‌كانى ديكه‌ى له ته‌واوى عێراق به هه‌رێمى كوردستانيشه‌وه "به گرنگ له قه‌ڵه‌م دا". هەروەها سەرۆکی هەرێمی کوردستان "په‌يڕه‌و و پرۆگرامى خوێندنى له زانكۆكه و به‌ش و كۆلێژه‌كانى له‌سه‌ر بنه‌ما نيشتمانى و زانستييه‌كان به پێويست و ئه‌رێنى هه‌ڵسه‌نگاند."
نێچیرڤان بارزانی جەختی لەوە کردەوە کە دواى 20 ساڵ له ئازاديى عێراق، "ده‌بێ به سوودوه‌رگرتن له هه‌ڵه‌كانى رابردوو، به روانگه و به‌رنامه‌يه‌كى روون و هاوبه‌شى كۆكه‌ره‌وه، هه‌نگاوى باشتر به‌ره‌و داهاتوو بنێين و هه‌موو پێكهاته‌كانى عێراق پێكه‌وه له به‌ڕێوه‌بردن و بنياتنانى وڵاتدا هاوبه‌ش و به‌شدار بن."
وەکو لە راگەیێندراوەکەشدا هاتووە، "شانده‌كه خۆشحاڵيى خۆيان به سه‌ردانه‌كەيان و پێشكه‌وتنه‌كانى هه‌رێمى كوردستان ده‌ربڕى، هه‌روه‌ها سوپاسى رۆڵ و گوتار و روانگه‌ى نيشتمانيى به‌ڕێز سه‌رۆكى هه‌رێمى كوردستانيان له‌سه‌ر ئاستى عێراق به‌گشتى كرد."
لە بەشێکی دیکەی دیدارەکەدا لەبارەی چه‌ندين پرسى ئه‌منى و سه‌ربازى گفتوگۆکراوە، ئەمە بەگوێرەی راگەیێندراوەکە.