رووداو دیجیتاڵ
ئەمڕۆ حکومەتی هەرێمی کوردستان لە راگەیێندراوێکدا رایگەیاند، سبەی چوارشەممە کۆدەبنەوە و بابەتی پەیوەست بە دارایی و مووچە تاوتوێ دەکەن.
هەر ئەمڕۆ سەرچاوەیەک لە ئەنجوومەنی وەزیران بە تۆڕی میدیایی رووداوی گوت: "کۆبوونەوەکەی سبەی تایبەت دەبێت بە پرسی مووچە و بابەتە داراییەکان".
لە راگەیێندراوەکەی حکومەتی هەرێمی کوردستاندا کە ئەمڕۆ سێشەممە، 07-01-2025، بڵاوکراوەتەوە هاتووە، هەر لە کۆبوونەوەکەدا راپۆرتێک لەبارەی دۆخی دارایی ساڵی 2024 دەخرێتە روو.
بەگوێرەی راگەیێندراوەکەی حکومەتی هەرێمی کوردستان، "بابەتی بایۆمەتری و ناردنی زانیارییە داواکراوەکان بۆ بەغدا و راپۆرتیک لەبارەی بەرەوپێشچوونەکانی پڕۆژەی بە ئەلیکترۆنیکردنی ناوەندی خشتەی موچەخۆرانی هەرێمی کوردستان" تەوەرێکی دیکەی کۆبوونەوەکان دەبێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ