رووداو دیجیتاڵ
لە پارێزگای وانی باکووری کوردستان، 10 کەس بەتۆمەتی بازرگانیکردن بە ماددە هۆشبەرەکانەوە زیندانیکران.
فەرماندەیی هێزەکانی جەندرمە لە پارێزگای وان رایگەیاند، رۆژی 6ی کانوونی دووەمی 2023، بە هاوئاهەنگیی لەگەڵ تیمەکانی بەرەنگاربوونەوەی ماددەی هۆشبەر سەر بە بەڕێوەبەرایەتیی ئاسایشی پارێزگاکە، ئۆپەراسیۆنێکیان بۆ سەر 12 شوێن ئەنجامدا و 21 گومانلێکراو دەستگیرکران.
لە شوێنەکاندا دەستبەسەر 54 گرام کۆکایین، 52 گرام ئیرۆیین، 13 گرام ماریوانا، سێ دەمانچە، دوو تاپڕ و 152 دانە حەبی کریستال گیرا.
دوای لێکۆڵینەوە و تەواوکردنی رێکارەکانی ئاسایش، گومانلێکراوەکان رادەستی دادگە کران و بە بڕیاری دادوەر 10 کەسیان بە تاوانی بازرگانیکردن بە ماددەی هۆشبەر زیندانیکران و 11 گومانلێکراوەکەی دیکەش بەمەرجی دادیی ئازادکران.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ