لە هێرشێکی درۆنیدا لە سنووری رانیە دوو کەس بریندار بوون
رووداو دیجیتاڵ
درۆنێک گوندی بۆسکێنی لە سنووری قەزای رانیە بۆردوومان کرد. گوتەبێژی تەندروستیی راپەڕین دەڵێت، دوو برینداری هێرشەکە گەیێندراونەتە نەخۆشخانەی رانیە.
ئەمڕۆ دووشەممە 6-11-2023، هیوا قەرەنی، سەرپەرشتیاری ئیدارەی سەربەخۆی راپەڕین بە تۆڕی میدیایی رووداوی گوت، "گوندی بۆسکێن بە درۆن بۆردوومان کرا".
تەها محەممەد، گوتەبێژی تەندروستی راپەڕین بە تۆڕی میدیایی رووداوی گوت، "بەهۆی بۆردوومانەکەوە دوو بریندار گەیێندراونەتە نەخۆشخانەی رانیە".
ئەبوبەکر ئیسماعیل، پەیامنێری رووداو لە بۆسکێنەوە باسی هێرشەکە دەکات و شاهێدحاڵێکیش لەبارەی هێرشەکە دەدوێنێت: