کوردانی ئێزدی کولتووری خۆیان لە فێستیڤاڵی رۆشنبیریی لالش پێشاندەدەن

 

سەرمەد ئیسماعیل، ئەندامی گرووپی لالشە و دەڵێت، "هەر میلـلەتێک کولتووری خۆی لەبیربکات و کولتوورەکەی لەنێوبچێت، ئەوە میلـلەت نییە. مێژوو وادەڵێت، داوا لە کوڕ و کچانی ئێزدی دەکەم پێکەوە جلی باوپاپیرانیان بپارێزن." 

 

کوردانی ئێزدی لە رۆژئاوا و باکووری کوردستان و ئەرمینیاوە بەشدارییان لە فێستیڤاڵەکەدا کرد و لەسەر دۆخی کوردانی ئێزدی قسەیان کرد. 

 

داود خەتاری، نووسەرە و دەڵێت، کۆچبەربوونی ئێزدییەکان کاریگەرییەکی زۆری کردووەتە سەر دابونەریت و لەدەستدانی زمانی دایک، بەڵام هەندێک رێکخراو و بنکە هەن و هەوڵێکی باش بۆ پاراستنی کولتوور هەیە." 

 

هەر لە فێستیڤاڵەکەدا، پێشانگەی شێوەکاری و خواردنی فۆلکلووری و ئەو کەلوپەلانەی سەردەمی پێشوو بۆ کشتوکاڵ و کاروباری رۆژانە بەکاردەهاتن، پێشاندران.