لە سیدەکان مین بە ئۆتۆمبێلێکدا دەتەقێتەوە
رووداو دیجیتاڵ
لە گەرووی سنگان لە سیدەکان مین بە ئۆتۆمبێلێکدا دەتەقێتەوە و بەهۆیەوە سێ کەس گەیێندراونەتە نەخۆشخانە. قایمقامی سیدەکان دەڵێت: بریندار نەبوون، تەنیا ترساون.
ئیحسان چەلەبی، قایمقامی قەزای سیدەکان بە تۆڕی میدیایی رووداوی راگەیاند، ئەو مینەی بە ئۆتۆمبێلەکەدا تەقیوەتەوە "لەلایەن پەکەکەوە دانراوە."
ئەو سێ کەسە ناویان: چیمەن سەڵاح، نێچیر سەڵاح و فاتیمە حەسەن ـە؛ تەمەنیان لەنێوان 20 بۆ 30 ساڵانە و "بەمەبەستی هێنانی گیای بەهارە چووبوونە ئەو ناوچەیە."
رووداوەکە دەوروبەری کاژێر 10:00ـی بەیانی بووە. یەکێک لەو کەسانەی کە بەهۆی رووداوەکەوە گەیێندراوەتە نەخۆشخانە بە رووداوی راگەیاند: "پێنج کەس بووین... تەنیا یەک شتم لەبیرە، ئەوەندەم زانی ئۆتۆمبێلەکەمان لە ئاسمان هاتەوە خوارەوە."
ئەو ژنە لەسەر تەختی نەخۆشخانە ئاماژەی بەوەشکرد، لەدوای رووداوەکە لەلایەن "خزم و کەسوکارەوە" گەیێندراونەتە نەخۆشخانە.
یەکێکی دیکە لەو کەسانەی لە ئۆتۆمبێلەکەدا بووە لەکاتی رووداوەکە، باسی لەوە کرد، هیچ ئاگادارکردنەوەیەک نەبووە لەو ناوچەیەی "تی ئێن تی" یەکەی تێدا دانرابوو.
ئەو ژنە لەسەر تەختی نەخۆشخانە ئاماژەی بەوەشکرد، لەدوای رووداوەکە لەلایەن "خزم و کەسوکارەوە" گەیێندراونەتە نەخۆشخانە.
یەکێکی دیکە لەو کەسانەی لە ئۆتۆمبێلەکەدا بووە لەکاتی رووداوەکە، باسی لەوە کرد، هیچ ئاگادارکردنەوەیەک نەبووە لەو ناوچەیەی "تی ئێن تی" یەکەی تێدا دانرابوو.