لە سنووری سلێمانی مووچەی مانگی 12ـی ساڵی رابردووی مامۆستایانی وانەبێژ دابەشدەکرێت
رووداو دیجیتاڵ
نوێنەرێکی مامۆستایانی وانەبێژ دەڵێت، ئەمڕۆ لە سنووری پارێزگای سلێمانی، دەست بە دابەشکردنی مووچەی مانگی 12ـی ساڵی رابردووی مامۆستایانی وانەبێژ دەکرێت.
رۆژی دووشەممە 6-2-2023، کارۆخ عەبدوڵڵا، نوێنەرێکی مامۆستایانی وانەبێژ بە تۆڕی میدیایی رووداوی گوت، ئەمڕۆ لە سنووری سلێمانی دەست بە دابەشکردنی مووچەی مانگی 12ـی ساڵی رابردووی مامۆستایانی وانەبێژ دەکرێت؛ بڕیارە تاوەکو پێنجشەممە دابەشکردنی مووچەکە کۆتایی بێت.
لەبارەی هۆکاری دواکەوتنی مووچەی وانەبێژان، کارۆخ عەبدوڵڵا گوتی، لە پارێزگای هەولێر و دهۆک مووچەی وانەبێژان لە کاتی خۆیدا دابەش کراوە، بەڵام لە پەروەردەکانی سنووری سلێمانی بەهۆی نەبوونی پارە لە بانکەکان، مووچە دواکەوتووە.
بە گوتەی ئەو نوێنەرەی وانەبێژان، لەگەڵ وەزارەتی دارایی و ئابووری هەرێمی کوردستان و بەڕێوەبەری بانکی هەرێم لە سلێمانی قسەیان کردووە و پێیان گوتوون، هەموو مانگێک دوای تەواوبوونی لیستی مووچە، پارە لە بانک هەبوو؛ راستەوخۆ دەست بەدابەشکردنی مووچەی وانەبێژانیش دەکرێت.
مووچەی مامۆستایانی وانەبێژ بەگوێرەی بڕوانامە و ئەو شوێنەی وانەی تێدا دەڵێنەوە جیاوازە، بەگشتی کەمترینیان مانگانە 250 هەزار دینار و زۆرترینیشیان 400 هەزار دینار وەردەگرن.
لە هەرێمی کوردستان نزیکەی 33 هەزار وانەبێژ هەن؛ 11 هەزاریان لە پارێزگای هەولێر، 10 هەزار لە پارێزگاکانی سلێمانی و هەڵەبجە و 12 هەزاریش لە سنووری پارێزگای دهۆکن.
نوێنەرێکی مامۆستایانی وانەبێژ دەڵێت، ئەمڕۆ لە سنووری پارێزگای سلێمانی، دەست بە دابەشکردنی مووچەی مانگی 12ـی ساڵی رابردووی مامۆستایانی وانەبێژ دەکرێت.
رۆژی دووشەممە 6-2-2023، کارۆخ عەبدوڵڵا، نوێنەرێکی مامۆستایانی وانەبێژ بە تۆڕی میدیایی رووداوی گوت، ئەمڕۆ لە سنووری سلێمانی دەست بە دابەشکردنی مووچەی مانگی 12ـی ساڵی رابردووی مامۆستایانی وانەبێژ دەکرێت؛ بڕیارە تاوەکو پێنجشەممە دابەشکردنی مووچەکە کۆتایی بێت.
لەبارەی هۆکاری دواکەوتنی مووچەی وانەبێژان، کارۆخ عەبدوڵڵا گوتی، لە پارێزگای هەولێر و دهۆک مووچەی وانەبێژان لە کاتی خۆیدا دابەش کراوە، بەڵام لە پەروەردەکانی سنووری سلێمانی بەهۆی نەبوونی پارە لە بانکەکان، مووچە دواکەوتووە.
بە گوتەی ئەو نوێنەرەی وانەبێژان، لەگەڵ وەزارەتی دارایی و ئابووری هەرێمی کوردستان و بەڕێوەبەری بانکی هەرێم لە سلێمانی قسەیان کردووە و پێیان گوتوون، هەموو مانگێک دوای تەواوبوونی لیستی مووچە، پارە لە بانک هەبوو؛ راستەوخۆ دەست بەدابەشکردنی مووچەی وانەبێژانیش دەکرێت.
مووچەی مامۆستایانی وانەبێژ بەگوێرەی بڕوانامە و ئەو شوێنەی وانەی تێدا دەڵێنەوە جیاوازە، بەگشتی کەمترینیان مانگانە 250 هەزار دینار و زۆرترینیشیان 400 هەزار دینار وەردەگرن.
لە هەرێمی کوردستان نزیکەی 33 هەزار وانەبێژ هەن؛ 11 هەزاریان لە پارێزگای هەولێر، 10 هەزار لە پارێزگاکانی سلێمانی و هەڵەبجە و 12 هەزاریش لە سنووری پارێزگای دهۆکن.