لە باکووری کوردستان تەرمی دوو شوان دەدۆزرێنەوە

 

بەگوێرەی ئەو زانیارییانەی بەپشتبەستن بە سەرچاوە خۆجێییەکان بڵاوکراونەتەوە، ئەو دوو شوانە، یەکێکیان ناوی حوسێن ئۆنەرە و تەمەنی 44 ساڵە، ئەوەی دیکەشیان نوەی عومەر کایایە و  تەمەنی 41 ساڵە، هەردووکیان نیشتەجێی گەڕەکی یەنی مەحەلە بوونە.

 

ئەو دوو شوانە رۆژی چوارشەممە 4ی ئایاری 2022 بۆ لەوەڕاندنی مەڕ و ماڵاتەکانیان بەیانی زوو لە ماڵ چوونەتە دەرەوە و نەگەڕاونەتەوە. 

 

دوای ئەوەی هیچ هەواڵێکیان نابێت و ناگەڕێنەوە، خێزانەکانیان فەرماندەیی جەندرمە ئاگادار دەکەنەوە. تیمەکانی جەندرمە و خێزانی ئەو دوو شوانە پێکەوە لە ناوچە شاخاوییەکانی دەوروبەر دەست بەگەڕان دەکەن. 

 

لە ئەنجامدا ئۆندەر و کایا لە دۆڵێکی نزیک گوندی دەلاڤێ قەسرێ لە ناوچەی هەزەخ بە کوژراوی دەدۆزرێنەوە.

 

ئەو شوێنەی تەرمی دوو شوانەکەی لێ دۆزراوەتەوە، نزیکە لە ئەشکەوت و ئەو هەرێمەی کە لە چیای باگۆک درێژ دەبێتەوە.  بەگوێرەی زانیارییەکان ئەو دوو شوانە لە نێو ئۆتۆمبێلیکدا بە کوژراوی دۆزراونەتەوە و شوێنەواری گوللە بەسەرەیانەوە هەبووە

 

بەگوێرەی هەمان سەرچاوە، مۆبایلی ئەو دوو شوانە و سویچی ئۆتۆمبێلەکە لە شوێنی رووداوەکە نەدۆزراونەتەوە. 

 

بەمەبەستی ئەنجامدانی توێکاری تەرمی شوانە کوژراوەکان گوازراونەتەوە بۆ نەخۆشخانەی دەوڵەت لە هەزەخ.