هاتووچۆ لە دەروازەی سنووری پێشابوور و سێمێلکا ئاسایی بووەتەوە
رووداو - زاخۆ
دوای ئەوەی سوپای تورکیا سنووری سێمێلکای لەنێوان باشوور و رۆژئاوای کوردستان لە رۆژئاوای دیجلە بۆردوومانکرد، بۆ ماوەیەک دەروازەی سنووری پێشابوور داخرا، کە خاڵێکی سنوورییە لەنێوان باشوور و رۆژئاوای کوردستان.
باشووری کوردستان بە درێژایی 40 کیلۆمەتر سنووری ئاوی لەگەڵ باکوور و رۆژئاوای کوردستان هەیە، دوای ئەوەی سوپای تورکیا ئەو سنوورە بۆردوومانکرد، بۆ ماوەیەکی کورت دەروازەکە داخرا.
یوسف موسا، پەیامنێری رووداو لە زاخۆ رایگەیاند، ئەمڕۆ هاتووچۆ لە دەروازەی سنووری پێشابوور و سێمێلکای ئاسایی بووەتەوە و گرفت نەماوە.
دەروازەی سنووری پێشابوو لە 16-1-2013 لەلایەن سەرۆکی پێشووی هەرێمی کوردستان کرایەوە و تاوەکو ئێستاش ئەو خاڵە سنوورییە بە بەردەوامی لەنێوان باشوور و رۆژئاوای کوردستان هەبووە.
پێداچوونەوە: حەکیم داود