لە زەڕایەن کەسێک بە تۆمەتی دزینی 387 ملیۆن دینار دەستگیرکرا

 

 

ئەمڕۆ هەینی 04-10-2024، سەرکەوت ئەحمەد، گوتەبێژی پۆلیسی پارێزگای سلێمانی بە تۆڕی میدیایی رووداوی گوت: "تۆمەتبارەکە زانیاری لەسەر ماڵەکە هەبووە و لە قاسەی ماڵێکدا پارەکەی دزیوە".

 

سەرکەوت ئەحمەد گوتی: "تۆمەتبارەکە بە تەنیا کارەکەی کردووە، بەرلەوەی فریای خەرجکردنی بکەوێت دەستگیرکراوە و دەستگیراوە بەسەر زۆرینەی پارەکەدا و بڕێکی زۆر کەمی لێ خەرجکردووە".

 

لە راگەیێندراوێکدا پۆلیسی سلێمانی رایگەیاند، لەسەر سکاڵای هاونیشتمانییەک تۆمەتبارەکەیان دەستگیرکردووە.

 

بەگوێرەی پۆلیس، تۆمەتبارەکە ناوی (م، ع، ف)ـە و لەدایکبووی 1979یە و "دانی بەتاوانەکەیدا ناوە".

 

تۆمەتبارەکە بە بڕیاری دادوەر دەستبەسەرکراوە و لێکۆڵینەوەی لەگەڵدا دەکرێت.