رووداو دیجیتاڵ
لە تورکیا و باکووری کوردستان ژمارەی ئەو پزیشکانەی کۆچ دەکەن بۆ دەرەوەی وڵات لە زیادبووندایە. بەپێی ئاماری سەندیکای پزیشکی تورکیا، لە نۆ مانگی یەکەمی ئەمساڵدا دوو هەزار و 285 پزیشک "بەڵگەنامەی دۆخی باش"ـیان وەرگرتووە بۆ ئەوەی لە دەرەوەی وڵات لە تورکیا کاربکەن.
بەگوێرەی ئامارەکە تەنیا لە مانگی ئەیلوولدا 321 پزیشک و لە مانگی ئاب 315 پزیشک، بەڵگەنامەی دۆخی باشیان وەرگرتووە بۆ ئەوەی بچنە دەرەوەی تورکیا و باکووری کوردستان کار بکەن.
بەگوێرەی ئاماری فەرمانگەی ئاماری یەکێتیی ئەوروپا (یۆرۆستات) بۆ ساڵی 2021، لە تورکیا بۆ هەر 100 هەزار هاووڵاتی 218 پزیشک و لە یۆنانیش بۆ هەر 100 هەزار هاووڵاتی 629 پزیشک هەن، ئەمەش کەمترینە لەسەر ئاستی وڵاتانی ئەوروپا.
لە دوای ساڵی 2017 ژمارەی ئەو پزیشکانەی لە تورکیا و باکووری کوردستانەوە دەچنە وڵاتانی دیکە، بە رێژەیەکی بەرچاو زیادیکردووە. لە 2017ـدا 482، لە 2018ـدا 802، لە 2019ـدا 1057، لە 2020ـدا 931، لە 2021ـدا 1405 و لە 2022ـدا 2685 روویان لە دەرەوەی تورکیا کردووە.
ئەمە لە کاتێکدایە لە ساڵی 2012ـدا تەنیا 59 پزیشک "بڕوانامەی دۆخی باش"یان وەرگرتووە. زۆربەی ئەو پزیشکانەی "بەڵگەنامەی دۆخی باش" وەردەگرن، دەچنە وڵاتانی ئەوروپا.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ