لە ئاکرێ کەسێک بەهۆی هەورەبرووسکە گیانی لەدەستدا

04-10-2023
نایف رەمەزان
نایف رەمەزان
نیشانەکردن هەورەبرووسکە
A+ A-
رووداو دیجیتاڵ

هاونیشتمانییەکی تەمەن 56 ساڵ ئێوارەی ئەمڕۆ لە گوندی نیاوۆکی سەر بە ناحیەی گردەسێن لە سنووری ئاکرێ، هەورەبرووسکە لێیدا و بەهۆیەوە راستەوخۆ گیانی لەدەستدا.
 
بەروار محەممەد ساڵح، دانیشتووی گوندی نیاوۆکە بە تۆڕی میدیایی رووداوی گوت "کاژێر 16:00ـی ئەمڕۆ (چوارشەممە، 4-10-2023) هەورە برووسکە لە کەسێکی گوندەکەمانی دا کە میکائیل کەریمە و بەهۆیەوە میکائیل گیانی لەدەستدا.''
 
بەگوتەی ئەو هاونیشتیمانیە میکائیل خەریکی شوانکاری بووە و لە نزیک ماڵەکەی بووە کاتێک هەورەبرووسکە لێیداوە، بەهۆیەوە جگە لە گیانلەدەستدانی خۆی، دوو سەر مەڕیشی بریندار بوون.
 
نێچیرڤان فەخرەدین، بەرپرسی راگەیاندنی تەندروستیی ئاکرێ هەواڵەکەی بۆ رووداو پشتڕاستکردەوە و گوتیشی ئێستا تەرمەکە لە دادپزیشکی ئاکرێیە و دوای ئەنجامدانی توێکاری، رادەستی کەسوکاری دەکرێت.
 
بەپێی زانیارییەکانی رووداو، میکائیل پێشمەرگەی خانەنشین بووە و دوو هاوژینی هەن کە لەگەڵ هەردووکیان 10 کوڕ و سێ کچی هەن.
 
ئەم رووداوە لەکاتیکدایە، دوینێش هەورەبرووسک لە سێ پێشمەرگەی دا لە سنووری ناحیەی دێرەلووک لە قەزای ئامێدی و بە سووکی برینداری کردن.

 

 

 

 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

باڵەخانەی پەرلەمانی کوردستان

هەڵبژاردنی پەرلەمانی کوردستان 1431 بنکەی دەنگدانی دەبێت

کۆمیسیۆنی باڵای سەربەخۆی هەڵبژاردنەکانی عێراق ژمارەی بنکەکانی دەنگدانی لە پارێزگاکانی هەرێمی کوردستان بۆ هەڵبژاردنی پەرلەمانی کوردستان پەسندکرد، کە ژمارەیان هەزار و 431 بنکە دەبێت و 165یان بنکەی دەنگدانی تایبەتن.