دوو کەس بە تۆمەتی سووتاندنی شاخی گۆیژە دەستگیرکران

 

 

رۆژی یەکشەممە 2020/10/04 پۆلیسی سلێمانی راگەیێندراوێکی بڵاوکردەوە و ئاماژەی بەوە داوە کە دوای بەدواداچوون و کۆکردنەوەی زانیاری رۆژی 2020/10/03 هەردوو تۆمەتبار "د. ح. ع."ـی لەدایکبووی 1993 و "هـ. ع. ئـ."ـی لەدایکبووی 1990 دەستگیرکران.

 

پۆلیسی سلێمانی ئەوەی خستووەتەڕوو کە تۆمەتبارەکان لەبەردەم دادوەری لێکۆڵینەوەدا دانیان بە تاوانەکەیاندا ناوە.

 

لە راگەیێندراوەکەدا هاتووە کە بە بڕیاری دادوەر و بەپێی ماددەی "10/ژینگە" راگیراون و لێکۆڵینەوە بەردەوامە.

 

 

 

ئه‌و تۆمه‌تبارانه‌ی‌ شاخی‌ گۆیژه‌یان سووتاند ده‌ستگیركران

 

پاش ئه‌وه‌ی‌ شه‌وی‌ 3 له‌سه‌ر 4ی‌ 2020/9 به‌شێك له ‌دره‌خته‌كانی‌ شاخی‌ گۆیژه‌ سووتان، به‌ڕێوه‌به‌رایه‌تیی‌ پۆلیسی‌ پارێزگای‌ سلێمانی‌ لێكۆڵینه‌وه‌كانی‌ ده‌ستپێكرد به ‌مه‌به‌ستی‌ دۆزینه‌وه ‌و ده‌ستگیركردنی‌ ئه‌نجامده‌رانی‌. پاش به‌دواداچوون و كۆكردنه‌وه‌ی‌ زانیاریی‌ ورد و وه‌رگرتنی‌ بڕیاری‌‌ به‌ڕێز دادوه‌ر، توانرا ڕۆژی‌ 2020/10/3 دوو تۆمه‌تبار به ‌تۆمه‌تی‌ سووتاندنی‌ دره‌خته‌كانی‌ شاخی‌ گۆیژه‌ له‌لایه‌ن هێزه‌كانی‌ پۆلیسی‌ پارێزگای‌ سلێمانییه‌وه‌ ده‌ستگیر بكرێن.

 

هه‌ردوو تۆمه‌تبار "د. ح. ع." له‌دایكبووی‌ 1993 و "هـ. ع، ئـ." له‌دایكبووی‌  1990 له‌به‌رده‌م به‌ڕێز دادوه‌ری‌ لێكۆڵینه‌وه‌دا دانیانناوه‌ به‌ تاوانه‌كه‌یاندا و له ‌ئێستادا به ‌بڕیاری‌ دادوه‌ر و به‌پێی‌ مادده‌ی‌ "10/ژینگه" ڕاگیراون‌ و لێكۆڵینه‌وه‌كان به‌رده‌وامه.

 

به‌ڕێوه‌به‌رایه‌تیی‌ پۆلیسی‌ پارێزگای‌ سلێمانی‌ – ڕاگه‌یاندن ‌و په‌یوه‌ندییه‌كان