هەڵەیەک روویدا! دووبارە هەوڵبدە
رووداو - کەرکووک
بۆ بڵاوەپێکردنی گردبوونەوەیەک لە گەڕەکی شۆرجەی کەرکووک، ئاڵۆزی لەنێوان هێزە ئەمنییەکان و خەڵک دروستبوو و دوو ئەفسەر و ژمارەیەک پۆلیس بریندار کران.
سەرچاوەیەک بە تۆڕی میدیایی رووداوی راگەیاند، ئێوارەی رۆژی 4ی ئەیلوول بۆ بڵاوەپێکردنی گردبوونەوەیەک لە گەڕەکی شۆرجە ئاڵۆزی لەنێوان خەڵک و هێزە ئەمنییەکان دروستبوو، "بەهۆی بەردبارانکردنی ژمارەیەک لە هێزەکان لەو کاتەدا لیوا عەبدولڕەزاق نعێمی، جێگری فەرماندەی ئۆپەراسیۆنەکانی کەرکووک بەردێک بەر سەری کەوتووە و بە سووکی بریندار کراوە."
هاوکات عەمید مازن، فەرماندەی پۆلیسی فریاکەوتن بەرد بەر سینگی کەوتووە و دۆخی تێکچووە.
سەرچاوەکە ئاماژەی بەوەش کرد، هەر بەو هۆیەوە چوار پۆلیسی دیکەش بریندار بوون، بەڵام برینەکانیان سووکە و چارەسەریان بۆ کراوە.
ئێوارەی رۆژی دووشەممە ژمارەیەک لە گەنجانی کورد لە گەڕەکی شۆرجەی کەرکووک گردبوونەوە بۆ سەرکۆنەکردنی ئەو رووداوانەی رۆژی شەممەی رابردوو کە بەهۆیەوە ژمارەیەک هاونیشتمانی شەهید و بریندار بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ