ژنە رزگاربوویەکی دەستی داعش بە رووداوی هاتووچۆ گیانی لەدەستدا

 

 

تەحسین قاسم، پەیامنێری رووداو لە شنگال رایگەیاند، فەریدە ئیلیاس جردۆ کە رزگاربووی دەستی داعشە ئەمڕۆ کاژێر 12:00ی نیوەڕۆ لە دووڕیانی بۆرگ لە باکووری چیای شنگال ئۆتۆمبێلەکەی وەرگەڕاوە و بەو هۆیەوە بە سەختی برینداربووە، کەمێک پێش ئێستاش گیانی لەدەستدا.

 

فەریدە تەمەنی 30 ساڵە، دایکی دوو منداڵە و بەشێک لە کەسوکارەکەی، لەنێویاندا هاوژینەکەی، لەژێر دەستی داعشدان و خۆیشی چوار ساڵ پێش ئێستا لەدەستی داعش رزگاری بووە. مامی فەریدە بە رووداوی راگەیاند، فەریدە خەڵکی کۆمەڵگەی بۆرگە.