بە نێوبژیوانی رووسیا ئاگربەست لە 84 گوندی پارێزی حمس راگەیێندرا
رووداو - هەولێر
بە نێوبژیوانی رووسیا ئاگربەست لە دەیان گوندی پارێزگای حمس لە سووریا راگەیێندرا، بەم پێیەش دەیان هەزار کەس لە زیانەکانی شەڕ دووردەکەونەوە.
ئاگربەستەکە 84 شوێن و گوند لەخۆدەگرێت و خەڵکی سڤیلیان تێدا دەژیت، بە جێبەجێبوونی ئاگربەستەکەش 147 هەزار کەس لە دانیشتووی ئەو ناوچانە لە زیانەکانی شەڕی نێوخۆی سووریا دووردەکەونەوە.
بەپێی زانیارییەکان بۆ جێبەجێکردنی ئاگربەستەکە 90 سەربازی رووسی لە ناوچەکەدا جێگیردەکرێن و چاودێری ئاگربەستەکە دەکەن، بەڕێوەبردنی ناوچەکەش رادەستی ئەنجوومەنە خۆجێیەکان دەکرێت.