کوردستان
![کۆبوونەوەی مستەفا کازمی، سەرۆکوەزیرانی عێراق و مەسرور بارزانی، سەرۆکوەزیرانی هەرێمی کوردستان کۆبوونەوەی مستەفا کازمی، سەرۆکوەزیرانی عێراق و مەسرور بارزانی، سەرۆکوەزیرانی هەرێمی کوردستان](https://www.rudaw.net/s3/rudaw.net/ContentFiles/689151Image1.jpg?mode=crop&quality=70&rand=1&scale=both&w=752&h=472&version=4825907)
کۆبوونەوەی مستەفا کازمی، سەرۆکوەزیرانی عێراق و مەسرور بارزانی، سەرۆکوەزیرانی هەرێمی کوردستان
رووداو دیجیتاڵ
سەرۆکوەزیرانی عێراق و سەرۆکوەزیرانی هەرێمی کوردستان کۆبوونەوە و هەردوولا هاوڕابوون لەسەر ئەوەی، "پێویستە بەرژەوەندی هاووڵاتییان بە سەرجەم پێکهاتەکانەوە و ماف و شایستە دەستوورییەکانیان لە سەرتاسەری وڵات بە هەرێمی کوردستانەوە لە پێشینەی کارەکاندا بێت."
رۆژی دووشەممە 03-10-2022، لە هەولێر مەسرور بارزانی، سەرۆکوەزیرانی هەرێمی کوردستان پێشوازی لە مستەفا کازمی، سەرۆکوەزیرانی عێراق کرد.
بەگوێرەی راگەیێندراوی حکومەتی هەرێمی کوردستان، لە كۆبوونەوەكەدا گفتوگۆ لەبارەی کێشەکانی نێوان هەرێمی كوردستان و حكومەتی عێراق کرا و هەردوولا جەختیان لە پێویستیی بەردەوامبوونی گفتوگۆ كردەوە بە مەبەستی تێپەڕاندنی ئاستەنگەكان.
![کۆبوونەوەی مەسرور بارزانی، سەرۆکوەزیرانی هەرێمی کوردستان و مستەفا کازمی، سەرۆکوەزیرانی عێراق](https://www.rudaw.net/Library/Images/Uploaded%20Images/2022/10/03/whatsapp-image-2022-10-03-at-10210-pm-1.jpeg)
لە کۆبوونەوەی مستەفا کازمی و مەسرور بارزانی ژمارهیەک بابەتی تایبەت بە گوزەرانی هاووڵاتییانی ههرێمی كوردستان تاوتوێ کراون؛ لە راگەیێندراوی حکومەتی هەرێمی کوردستانیشدا ئەوە هاتووە، "هەردوولا هاوڕابوون لەسەر ئەوەی، پێویستە بەرژەوەندی هاووڵاتییان بە سەرجەم پێکهاتەکانەوە و ماف و شایستە دەستوورییەکانیان لە سەرتاسەری وڵات بە هەرێمی کوردستانەوە لە پێشینەی کارەکاندا بێت."
وەک حکومەتی هەرێمی کوردستان دەڵێت، پێویستیی بەردەوامبوونی كۆبوونەوە هاوبەشەكان و مامەڵەكردن بەشێوەیەکی جیددی لەگەڵ هەموو دۆسییەکان و رەخساندنی هەلومەرجی "باش" بۆ گفتوگۆی بنیاتنەرانە كە ببێتە هۆی چارەسەرەکردنی کێشەکان لە چوارچێوەی دەستووردا دووپاتکرایەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ