رووداو دیجیتاڵ
فڕۆکەکانی تورکیا دووجار لەسەریەک گەلی تاوکێیان لە زنجیرە چیای خێرێی سەر بە ناحیەی ئەترووش لە قەزای شێخان بۆردوومان کرد.
عەبدولستار مێرسیدی، دانیشتوویەکی سنووری ناحیەی ئەترووشە و بە رووداوی گوت: بۆردوومانەکە هیچ زیانێکی گیانی نەبووە، بەڵام ترس و دڵەڕاوکێی لای دانیشتووانی ناوچەکە دروستکردووە.
بەگوێرەی بەدواداچوونێکی رووداو، جگە لەو ناوچەیە، لە شەوی رابردووەوە هەریەک لە گوندەکانی سێرێ، رەشاڤە، زێروە و کارە لە ناحیەی دێرەلووک بۆردوومانکراون.
هەروەها بەهۆی بۆردوومانەکانەوە، دەیان دۆنم زەوی لەو ناوچانەدا ئاگریان تێبەربووە و تاوەکو ئێستا لە سنووری نێروەرێکان ئاگرەکە بەردەوامە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ