سەرۆکی هوداپار: دەنگدەرانمان سەرپشک ناکەین
رووداو - ئامەد
سەرۆکی گشتیی پارتی دۆزی ئازاد - هوداپار رایگەیاند، وەکو پارت بەشداری لە هەڵبژاردنەکانی شارەوانییدا ناکەن، بەڵام دەنگدەرانی پارتەکەیشیان سەرپشک ناکەن.
ئیسحاق ساغڵام گوتی، بڕیاریانداوە وەک پارت بەشداری لە هەڵبژاردنە خۆجێیەکانی 31ـی ئاداری ٢٠١٩دا نەکەن، بەڵام ئەندامان و لایەنگرانیان لە دەنگدان سەرپشک ناکەن.
ئیسحاق ساغڵام ئاماژەی بەوەشکرد، لە کاتی پێویستدا روونکردنەوە دەدەن و دەنگدەرانیان ئاراستە دەکەن کە دەنگ بە کێ بدەن.
سەرۆکی گشتی هوداپار گوتیشی، هەوڵ و کۆششیان بۆ ئەوەیە کە خزمەت بە گەل بکەن و بەپێویستی زانی پارتە سیاسییەکان خزمەت بە خەڵک بکەن.
پێداچوونەوە؛ راوچی حەسەن