دیمەنێکی رووداوەکە.
رووداو دیجیتاڵ
پێشنیوەڕۆی ئەمڕۆ سێشەممە لە گەڕەکی راپەڕینی سلێمانی ئۆتۆمبێلێک تەقییەوە. بەگوێرەی زانیارییە سەرەتاییەکان برینداری لێکەوتووەتەوە.
سەرکەوت ئەحمەد، گوتەبێژی پۆلیسی سلێمانی بە رووداوی گوت، ئۆتۆمبێلێک گڕی گرتووە و تەنکیی بەنزینەکەی تەقیوەتەوە و چاوەڕێی راپۆرتی لێکۆڵینەوەن لە رووداوەکە.
لای خۆیەوە، ئارام عەلی، گوتەبێژی بەرگریی شارستانیی سلێمانی بە رووداوی گوت: "تیمەکانمان چوونەتە شوێنەکە و ئاگرەکەیان کۆنترۆڵکردووە و سەرقاڵی لێکۆڵینەوەن."
شاهێدحاڵێک کە ماڵی لە میران سیتییە، ئەو شوێنەی بەسەر ئەو شەقامە دەڕوانێت کە ئۆتۆمبێلەکە تێیدا تەقییەوە، ڤیدیۆی ئۆتۆمبێلەکەی گرتووە و بۆ رووداوی ناردووە، دەشڵێت: "لە ماڵەوە بووم کە دەنگی تەقینەوەکە هات، زۆر ترسام، پاش کەمێک چوومە دەرەوە و گوتیان خەڵک بریندار بوون، بەڵام من یەک بریندارم بە چاوی خۆم بینی کە بەپێ دەڕۆیشت."
بەگوێرەی زانیارییە سەرەتاییەکان، لە رووداوەکە دوو بریندار هەن و ئاسایش و هێزەئەمنیەکان لێکۆڵینەوە دەکەن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ