'تەقینەوە' لە کەمپێکی ئاوارەکانی شنگال روویدا: کوژراو و بریندار هەن

 

حەیدەر دۆسکی، پەیامنێری رووداو گوتی کە هەموو ئاماژەیەک بۆ ئەوە دەچن بۆمبێکی چێندراو تەقیبێتەوە و پیر دەیان، بەڕێوەبەری کۆچ و کۆچبەران لە دهۆک ئەوەی بۆ رووداو پشتڕاستکردەوە. 

 

پەیامنێری رووداو دەشڵێت، رێگەنەدراوە بچنە نێو کەمپەکە و دیمەنەکان بگوازنەوە. 

 

حەیدەر دۆسکی دەشڵێت، دوو منداڵی ژنەکەش بریندار بوونە. دەنگی تەقینەوەکەش گەورە بووە و لەلایەن دانیشتووانی دەرەوەی کەمپەکەشەوە بیستراوە.

 

پێشتر، پیر دەیان، بەڕێوەبەری کۆچ و کۆچبەران لە دهۆک بە رووداوی گوت: "لە ئەنجامی تەقینەوەی جلشۆرێک ژنێکی تەمەن 37 ساڵ گیانی لەدەستداوە". 

 

هێزە ئەمنییەکان چوونەتە شوێنی رووداوەکە و لێکۆڵینەوەیان دەستپێکردووە؛ "گومان دەکرێت بۆمبێکی چێندراو بێت."