رووداو دیجیتاڵ
نێچیرڤان بارزانی، سەرۆکی هەرێمی کوردستان پێشوازیی لە کۆنسوڵی گشتیی فەرەنسا کرد کە بەبۆنەی كۆتاييهاتنى ئه‌ركييه‌وه، سەردانی کردبوو، دیکۆتینێ به پێزانينه‌وه باسى لە رۆڵى نێچیرڤان بارزانی کرد له به‌ره‌وپێشبردنى په‌يوه‌ندييه‌كانى هه‌رێمى كوردستان و فه‌ره‌نسا.
ئه‌مڕۆ (يه‌كشه‌ممه 2-7-2023) نێچيرڤان بارزانى، سه‌رۆكى هه‌رێمى كوردستان، پێشوازى له ئۆليڤيێ ديكۆتينێ، كۆنسوڵى گشتيى فه‌ره‌نسا له هه‌رێمى كوردستان كرد، كە بۆ ماڵئاوايى و به‌بۆنه‌ى كۆتاييهاتنى ئه‌ركييه‌وه، سەردانی كردبوو.
بەپێی راگەیەندراوی سەرۆکایەتیی هەرێمی کوردستان، له ديدارەکەدا نێچيرڤان بارزانى سوپاس و پێزانينى بۆ ئه‌رك و هه‌وڵه‌كانى ديكۆتينى بۆ بره‌ودان به په‌يوه‌ندييه‌كانى هه‌رێمى كوردستان و فه‌ره‌نسا دووپات كرده‌وه و، هيواى سه‌ركه‌وتنى له پۆست و ئه‌ركى تازه‌يدا بۆ خواست.
هەروەها كونسوڵى گشتيى فه‌ره‌نسا سوپاس و پێزانينى پێشكه‌ش به نێچيرڤان بارزانى و لايه‌نه په‌يوه‌نديداره‌كانى هه‌رێمى كوردستان كرد بۆ هاوكارى و پشتگيرييان له ئه‌ركەكانى و، هيواى خواست به هه‌مان شێوه له‌گه‌ڵ جێگرەوە‌كه‌ى به‌رده‌وام بن، هه‌روه‌ها به پێزانينه‌وه باسى له رۆڵى سه‌رۆكى هه‌رێمى كوردستان كرد له به‌ره‌وپێشبردنى په‌يوه‌ندييه‌كانى هه‌رێمى كوردستان و فه‌ره‌نسا.
بره‌ودان به په‌يوه‌ندييه‌كانى فه‌ره‌نسا له‌گه‌ڵ هه‌رێمى كوردستان و، چه‌ند پرسێكى جێى بايه‌خى هاوبه‌ش، ته‌وه‌رێكى ديكه‌ى ديداره‌كه بوو.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ