هەڵەیەک روویدا! دووبارە هەوڵبدە
رووداو دیجیتاڵ
لە کاژێر 08:20 خولەکی بەیانیی ئەمڕۆ کارەبای شارۆچکەی کانی ماسێ پچڕا، دوای نزیکەی 9 کاژێر کارەبا بۆ شارۆچکە و گوندەکانی دەوروبەری گەڕایەوە. بەڕێوەبەری دابەشکردنی کارەبای ئامێدی دەڵێت: بەهۆی بارینی بەفر و سەرما و سۆڵەوە کارەباکە پچڕابوو.
هێڵی 32 کەی ڤی کە کارەبای بۆ کانی ماسێ دابیندەکات پچڕابوو و کاژێر 5ی ئێوارەی ئەمڕۆ پێنجشەممە 2-2-2023 چاککرایەوە.
ئارام جەلال، بەڕێوەبەری دابەشکردنی کارەبای ئامێدی رایگەیاند، کە بەھۆی سەختی رێگەکە و مەترسیی مین لە رێگەی تیمی چاککردنی کارەبا، کاری تیمەکان دواکەوت دواجار توانیان تەزووی کارەبا بگەیێننەوە سەنتەری ناحیەی کانی ماسێ و گوندەکانی دەوروبەری.
بە گوتەی ئارام جەلال، پچڕانی تەزووی کارەبا لە کانی ماسێ و گوندەکانی دەوروبەری بەهۆی بارینی بەفر و سەرماوسوڵە بوو.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ