داعش هێرشیکردە سەر سامەڕا

رووداو- هەولێر

خۆکوژێک بە ئۆتۆمبێلێکەوە لە سامەڕا خۆی تەقاندەوە و شەڕوپێکدادان لە نێوان چەکدارانی داعش و هێزە ئەمنییەکان روویدا.

میدیاکانی عێراقی بڵاویانکردەوە، تەقینەوەیەکی خۆکوژی خاڵێکی پشکنینی لەسەر رێگەی نێوان سامەڕا- بەغدا کردە ئامانج و دواتر شەڕوپێکدادان لە نێوان چەکدارانی داعش و هێزە ئەمنییەکان روویدا، تاوەکو ئیستاش ژمارەی کوژراوەکان نەزانراوە.

هاوکات ژمارەیەک چەکداری داعش هێرشیان کردووەتە سەر بنکەکانی پۆلیسی متەوەکیل و ئیمام لە سامەڕا و چوونەتە ناویان. دوابەدوای ئەمە، هێزە ئەمنییەکان قەدەخەی هاتووچۆیان لە سامەڕا راگەیاند.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger