منداڵێک لە شوقەیەکی دهۆک کەوتەخوارەوە و گیانی لەدەستدا

 

خێزانێکی دانیشتووی قەسرۆک لە سنووری شێخان، شەوی رابردوو بە سەردان چوونە دهۆک بۆ ماڵی خزمێکیان. لە یەکێک لە شوقەکان منداڵێکیان لە پەنجەرەوە کەوتەخوارە و بەیانیی ئەمڕۆ لە نەخۆشخانە گیانی لەدەستدا.

 

منداڵەکە ناوی ئەلند فارسە و تەمەنی چوار ساڵ بووە. مەروان شەرەفانی، کەسوکاری منداڵەکە بە رووداوی گوت، کاژێر 10:00ـی شەوی رابردوو منداڵەکە لە شوقەیەکدا کەوتووەتە خوارەوە و بە برینداری رەوانەی نەخۆشخانە کرا، بەڵام ئەمڕۆ گیانی لەدەستدا.

 

مەروان شەرەفانی دەڵێت، رووداوەکە قەزا و قەدەرە و سکاڵایان لەسەر کەس نییە.