شەڕ لە نێوان پێشمەرگەی حدک و سوپای پاسدارانی ئێران رویدا
رووداو- رۆژهەڵاتی کوردستان
ئێوارەی رۆژی سێشەممە شەڕ و تێکهەڵچوون لە نێوان هێزێکی پێشمەرگەی حیزبی دیموکراتی کوردستان و هێزێکی سوپای پاسدارانی ئێران لە گوندی (سیسرێ)ی شاری رەبەت روویدا.
بەپێ زانیاریەکانی رووداو هێزێکی پێشمەرگەی حدک لە مزگەوتی گوندی (سیسرێ)ی شاری رەبەت، بووە و هێزیکی سوپای پاسدارانیش بە هۆی بوونی ئەوان هێرشێانکردووەتە سەر گوندەکە.
سەرچاوەیەک بە (تۆڕی میدیایی رووداو)ی راگەیاند کە" هێزەکانی سوپای پاسداران بە هۆی بوونی پێشمەرگە، ناوچەو گوندەکانی (سیسرێ، نستان، گەنمان و گۆڵێ)-ی تۆپباران کردووە.
ئەو سەرچاوەیەی رووداو گوتیشی "هێزەکانی سوپای پاسداران ئەو ناوچانەیان مێلیتاریزە کردووە و رێگە بە هاتووچۆکردنی خەڵک نادەن، بەڵام ناوەناوە دەنگی تەقە دێت و دیار نییە لە شەڕەکەدا چەن کەس کوژراو یان بریندار بووە".