رووداو دیجیتاڵ
لەرووداوێکی هاتووچۆدا لە ئیدارەی راپەڕین کەسێک گیانی لەدەستدا و سێی دیکەش برینداربوون.
عەلی عەبدوڵڵا، گوتەبێژی هاتووچۆی راپەڕین بە تۆڕی میدیایی رووداوی راگەیاند: "ئەمشەو کاژێر8:00 رووداوێکی هاتووچۆ لە رێگەی هیزۆپ-چوارقوڕنە سەر بە ئیدارەی راپەڕین روویداوە."
گوتیشی کە ئۆتۆمبێلێکی جۆری تۆیۆتا هایلۆکس کۆنترۆڵی لەدەستداوە و وەرگەڕاوە. لەئەنجامدا سێ کەس برینداربوون یەکێکی دیکەش بەناوی نەسرین عەبدوڵڵا، تەمەن 58 ساڵ گیانی لەدەستداوە.
گوتەبێژەکەی هاتووچۆی راپەڕین دەشڵێت، دوو لە بریندارەکان رەوانەی نەخۆشخانەکانی سلێمانی کراون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ