| رووداو.نێت

گالەری

دیمەنی جوان و کەشی دڵڕفێنی دەریاچەی زرێبار

01-07-2022

18 Photos

ساڵح قادر @salihqadr

دەریاچەی زرێبار یەکێکە لە گرنگترین ناوچە گەشتیارییەکانی پارێزگای سنەی رۆژهەڵاتی کوردستان، تەنیا دوو کیلۆمەتر لە رۆژئاوای شاری مەریوانەوە دوورە.

دەریاچەكە هەزار و 285 مەتر لە ئاستی رووی دەریاوە بەرزە. لە ژێرەوەی ئەم دەریاچەیە چەندین سەرچاوەی ئاوی شیرین هەیە و هیچ ئاوێکی دیكە ناڕژێتە ئەم دەریاچەیەوە. لە سەرجەم وەرزەكانی ساڵدا سرووشتێكی جوانی هەیە. بۆیە ساڵانە گەشتیارێکی زۆر رووی تێدەکەن.

دەریاچەکە نزیکەی پێنج کیلۆمەتر درێژە و 1.6 کیلۆمەتریش پانە. قووڵیی دەریاچەکەش لە هەندێک شوێن دەگاتە 5.5 مەتر. دەریاچەکە لەلایەک داربەڕوو و لەلایەکی دیکە کێوەکانی زاگرۆس دەوریان داوە.

دەریاچەی زرێبار ماڵی زیاتر لە 30 جۆر پەلەوەر و باڵندەیە، بە تایبەتی حاجی لەقلەقەکان. بەشێک لەو باڵندانە کۆچەرین و بەپێی وەرزەکان روو لە دەریاچەکە دەکەن. هەروەها چەندین جۆر ماسی لە دەریاچەکەدا دەژین.

دەریاچەی زرێبار لە شوباتی 2011 لە ریزی میراتی فەرهەنگی ئێران تۆمارکراوە.