رووداو دیجیتاڵ
پارێزگاری هەولێر رایگەیاند، هەر کەسێک لە دەزگاکانی راگەیاندن و تۆڕە کۆمەڵایەتییەکان بە نێرگەلە و جگەرەوە رێکلام بکات، دەدرێتە دادگە.
رۆژی دووشەممە 01-05-2023 ئۆمێد خۆشناو، پارێزگاری هەولێر بە تۆڕی میدیایی رووداوی راگەیاند، رێکلامکردن لەلایەن ڤاینەر، گۆرانیبێژ، مۆدێل و کەسە بەنێوبانگەکانی سۆشیاڵمیدیا بۆ ڤەیپ، نێرگەلە، جگەرە و جگەرەی ئەلیکترۆنی قەدەخە کراوە.
پارێزگاری هەولێر گوتیشی، "هەر کەسێک ئەو کارە بکات لە داواکاری گشتی سکاڵای لەسەر تۆمار دەکرێت و دەدرێتە دادگە."
بە گوتەی ئومێد خۆشناو، نەک تەنیا کەسەکە، ئەو کەناڵەشی رێکلامەکەی بۆ بڵاودەکاتەوە، هەمان رێکار دژی دەگیرێتەبەر.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ