رووداو دیجیتاڵ
رووداوێکی هاتووچۆ لەسەر رێگەی پێنجوێن - سەیدسادق روویدا. رووداوەکە گیانلەدەستدانی دوو کەس برینداربوونی دووی دیکەی لێکەوتەوە.
رۆژی سێشەممە، 01-04-2025، ئاراس محەممەد، ئێشکگری کارگێڕی لە بەشی فریاکەوتنی نەخۆشخانەی شەهید شەوکەت لە سەیدسادق بە تۆڕی میدیایی رووداوی راگەیاند، "تەرم و بریندارەکان گەیێندرانە لای ئێمە، بریندارەکان چارەسەریی سەرەتاییان بۆ کرا و رەوانەی نەخۆشخانەی شار کران لە سلێمانی، دۆخی تەندروستییان جێگیرە."
بەگوێرەی زانیارییەکان سەرجەم قوربانییەکان ئەندامی یەک خێزانن، ئەو دوو کەسەی گیانیان لەدەستداوە باوک و کچێکن.
لەبارەی تەرمی کچ و باوکەکەش ئەو ئێشکگرە گوتی، رەوانەی دادپزیشکیی سلێمانی کراون.
ئاراس محەممەد باسی هۆکاری رووداوەکەی کرد و رایگەیاند: لە ئەنجامی وەرگەڕانی ئۆتۆمبێلەکەیانەوە روویداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ