هەڵەیەک روویدا! دووبارە هەوڵبدە
رووداو دیجیتاڵ
تەرمی ئەو چوار کەسەی دوێنێ هەینی لە پارێزگای سنەی رۆژهەڵاتی کوردستان کەوتنە ژێر بەفر، دۆزرایەوە.
ئەمڕۆ شەممە، 1ی ئاداری 2025، هاونیشتمانییەک لە شاری بانەی رۆژهەڵاتی کوردستان بە رووداوی راگەیاند: "دوای گەڕانێکی زۆر، تەرمی ئەو چوار شاخەوانە دۆزرایەوە کە دوێنێ لە ئەنجامی هاتنی رنووی بەفرەوە بێسەرشوێن بوون".
هاونیشتمانییەکە بە رووداوی گوت:"ئەمڕۆش لە کاژێر 5 بەیانییەوە گەڕان بە دوای ئەو هاونیشتمانییانە دەستی پێکرد. جگە لە ژمارەیەکی زۆر لە هاونیشتمانییان، تیمەکانی فریاکەوتن ئامادە بوون".
دوێنی هەینی کۆمەڵێک شاخەوان کە بە مەبەستی شاخەوانی چووبوونە چیایەکی نزیک شاری بانە و ئەندامی هەردوو گرووپی شاخەوانیی پاژین و سوور کێو بوون، بەر رنووی بەفر کەوتن. هەر دوێنێ تەرمی دوو کەسیان دۆزرایەوە و 4 کەسیش بە برینداری دەرهێندران.
ئەو کەسانەی لەو رووداوەدا گیانیان لەدەستدا، دوو ژن و 4 پیاون بە ناوەکانی شەهلا رەحمانی، رووناک دانشمەند، عومر عەبدوڵڵاهی،کاروان ئەحمەدپوور، خالق محەممەد نەژاد و یاسا سادقی و خەڵکی بانەن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ