بەڤیدیۆ؛ شڤان پەروەر لە شوێنی دانیشتنی شیفا گەردی

رووداو – هەولێر

رۆژی چوارشەممە 1-3-2017، هونەرمەند شڤان پەروەر لە دوای گەڕانەوەی لە ئەڵمانیا ، گەیشتە ئۆفیسی سەرەکی تۆڕی میدیایی رووداو لە شاری هەولێر، بەمەبەستی گەیاندنی هاوخەمی خۆی بۆ کارمەندانی رووداو و کەسوکاری شەهید شیفا گەردی.

شڤان پەروەر، لە بەردەم شوێنی کارکردنی شیفا گەردی بە تۆڕی میدیایی رووداوی راگەیاند "شیفا گەردی بوو بە سێمبولی ئازایەتی و بوێری، شەهیدبوونی ئەو خانمە رۆژنامەنووسە هەموانی خەمبار کرد".

شڤان پەروەر گوتی، تۆڕی میدیایی رووداو تۆڕی هەواڵی هەموومانە، سەرەخۆشی خۆشی گەیاندە تەواوی کارمەندانی رووداو و کەسوکاری شەهید شیفا گەردی.

شیفا گەردی، رۆژنامەنووس و بێژەر و پەیامنێری تۆڕی میدیایی رووداو، هاوکات بەڕێوەبەری ئاوتپوت، لە رۆژی 25-2-2017 ، لە کاتی رووماڵکردنی شەڕی دژی داعش و کۆکردنەوەی زانیاریی بۆ بەرنامەی "فۆکەس موسڵ" لە شاری موسڵ بەهۆی تەقینەوەی بۆمبێکی چێنراو شەهید بوو.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger