عەدنان زەرفی، سەرۆکی فراکسیۆنی هاوپەیمانیی نەسر لە پەرلەمانی عێراق رایگەیاند، هەڵکوتانە سەر باڵیۆزخانەی ویلایەتە یەکگرتووەکانی ئەمریکا لە عێراق دانایی سیاسی نییە، کارێکە هەڵسەنگاندنی بۆ نەکراوە.
سەرۆکی فراکسیۆنی هاوپەیمانیی نەسر جەخت لەوە دەکاتەوە ئەو کارە عێراق دووچاری گۆشەگیریی نێودەوڵەتی و رووبەڕووی سزای نێودەوڵەتیی دەکاتەوە. بەتایبەتیش لە وێنەکاندا کەسایەتیی سەرکردە لە دەوڵەت دەردەکەون.
لە وێنەکانی خۆپیشاندان و هەڵکوتانە سەر باڵیۆزخانەی ئەمریکا هەریەک لە فالح فەییاز، راوێژکاری ئاسایشی نیشتمانیی عێراق، ئەبوهەمدی موهەندیس، جێگری سەرۆکی دەستەی حەشدی شەعبی، هادی عامری، سەرۆکی هاوپەیمانیی فەتح، قەیس خەزعەلی، ئەمینداری گشتیی عەسائیبی ئەهلی حەق دەردەکەون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ