یونامی: هەموو لایەنەکان پشتیوانی ئەنجامدانی هەڵبژاردن لە وادەی خۆی دەکەن

 

 

کڵاودیۆ کۆردۆنی، جێگری نێردەی نەتەوە یەکگرتووەکان بۆ عێراق بۆ کاروباری سیاسی و هاوکاری هەڵبژاردن کە ئێستا سەرۆکی نێردەی نەتەوە یەکگرتووەکانیشە لە عێراق بە وەکالەت، لە بەرنامەی رووداوی ئەمڕۆی رووداو دا گوتی، هەموو لایەنە سیاسییەکانی هەرێمی کوردستان ئامادەییان بۆ هەڵبژاردن دەربڕیوە و ئێستا 1193 بەربژێر هەن کە 350یان ژنن، ئەمەش بۆ ئێمە وەکو ئەرکێکی نەتەوە یەکگرتووەکان زۆر گرنگە".

 

کڵاودیۆ کۆردۆنی باس لەوە دەکات، ئەم هەڵبژاردنە بۆ هەرێمی کوردستان زۆر گرنگە و ئەگەر شەرعییەتی دامەزراوەکانی هەرێمی کوردستان لە رێگەی هەڵبژاردنەوە نوێ نەکرێنەوە ئەوا "دەکرێت کەسێک بچێتە دادگەی فیدراڵی و بڵێت دەمەوێت هەموو ئەو بڕیارانەی حکومەت داویەتی هەڵبووەشێنەوە".

 

 

 

کڵاودیۆ کۆردۆنی: ئێمە زۆر خۆشحاڵێن کە لە کۆتاییدا سەرۆکی هەرێمی کوردستان وادەیەکی راگەیاند و تاوەکو ئێستا هەموو ئامادەکارییەکان بۆ ئەوەن هەڵبژاردن لە 20ی ئۆکتۆبەر بکرێت، وەکو دەزانیت بۆ ئەوەی دڵنیا بین کە ئەوە روودەدات کۆمسیۆنی هەڵبژاردنەکان هاتوونەتە ئێرە و لیژنەیەکی تایبەت هەیە بۆ چاودێریکردنی هەڵبژاردنەکە، ئێمە وەکو ئەرکێکی نەتەوەیەکگرتووەکان پاڵپشتی دەکەین و بەردەوامین لە پاڵپشتی، هەر وەک چۆن لە رابردوودا کردمان لە چەندین رێگەوە وەکو دەزانیت.

 

 

کڵاودیۆ کۆردۆنی: بەڵێ، چاومان بە هەموو لایەنە سیاسییەکان کەوت بە دیاریکراوی بۆ گەیاندنی پەیامی ئەوەی کە کۆمەڵگەی نێودەوڵەتی و نەتەوە یەکگرتووەکان بە وردی چاوەڕێی ئەم هەڵبژاردنە دەکات بۆ ماوەیەکی زۆر دواخرا و پێموایە ئەمە کاریگەریی لەسەر شەرعییەتی دامەزراوەکان دەکات لە هەرێمی کوردستان و پێموایە کاتی ئەوەیە هەڵبژاردن بکرێت، ئێمە زۆر ئاسوودەین کە ئێستا وادەیەکمان هەیە. هەندێکجار لایەنەکان ترس دەردەبڕن کە حیزبەکانی دیکە رەنگە ئەوەیان نەوێت و رەنگە بایکۆت بکەن و لەو قسانە بەڵام ئێستا هەموو لایەنە سیاسییەکان کە بینیومانن ئاماژەی ئەوەیان پێداوین سەرەڕای هەندێک تێبینی کە رەنگە هەیانبێت بەڵام دەیانەوێت بەشداری هەڵبژاردن بکەن، ئەنجامدانی هەڵبژاردن کە رۆشن و جێی باوەڕ و باش بەڕێوەببرێت لەوە گرنگترە کە ئەم نادڵنیاییە بەردەوامبێت و گفتوگۆی چەندین کێشە بکرێت کە تاوەکو ئێستا هەڵبژاردنیان دواخستووە.

 

 

کڵاودیۆ کۆردۆنی: بەڵێ، وەکو دەزانیت هەموو لایەنەکان بەربژێرەکانیان پێشکەش کردووە، ئێستا 1193 بەربژێر هەن کە 350یان ئافرەتن، ئەمەش بۆ ئێمە وەکو ئەرکێکی نەتەوە یەکگرتووەکان زۆر گرنگە ئێمە بڕیارێکمان لە ئەنجوومەنی ئاسایشەوە هەیە بۆ ئاسانکاری بەشداریکردنی ئافرەتان لە پڕۆسەی سیاسی، لەنێویاندا هەڵبژاردنەکان، بۆیە تاوەکو ئێستا کارەکان بەو شێوەیەی پێویستە دەچنەپێش.

 

 

کڵاودیۆ کۆردۆنی: بێگومان ئێمە سەرنجمان لەسەر لایەنە تەکنیکییەکانی هەڵبژاردنەکەیە، بۆ نموونە بەدیاریکراوی لەسەر گەرەنتیکردنی ئەوەی مەترسی ساختەکاری تاوەکو بکرێت کەمکرابێتەوە  دەتوانم باسی هەندێک وردەکاریش بکەم لەسەر بەشێکی ئەو رێکارانەی هەن وەکو ئەوەی کە ناسینەوەی دەنگدەران دەبێت لە رێگەی بایۆمەترییەوە، بۆیە کەس ناتوانێت خۆی وەکو کەسێکی دیکە بناسێنێت، هەروەها ژماردنی دەنگەکان بە ئەلیکترۆنی و دەستیی دەکرێت بە ئامادەبوونی لایەنەکان، ئەنجامەکانی هەڵبژاردنی راستەوخۆ لە وێستگەکانی دەنگدان رادەگەیێندرێن و هەموو ئەنجامەکانیش لە ماوەی 24 کاژێردا رادەگەیێندرێن دەزانیت هەموو ئەم رێکارانە ئەگەرەکانی ساختەکاریی کەمدەکەنەوە، بۆیە ئەمە گرنگە لە رووی رێکخستنی پڕۆسەکە و ئامادەکارییەکان، هەروەها کارمان لەگەڵ کۆمسیۆنی هەڵبژاردنەکان کردووە لەسەر تاقیکردنەوەی ئەزموونی بۆ دڵنیابوونەوەی لەوەی شتەکان لە کاتی خۆیاندا کاردەکەن بە روونی دەزانێت ئێمە و کەس ناتوانێت کۆنترۆڵی ئەوە بکات رەنگە پێشتر چ گوشارێک بخرێتە سەر دەنگدەران، بەڵام لە رووی میکانیزمی هەڵبژاردنەکەوە ئێمە دڵنیایین رێکارەکان هەن بۆ مامەڵەکردن لەگەڵ پرسەکان، لەوانە ئەو کێشەیەی چەند جارێک سەریهەڵدا لەبارەی نەخوێندنەوەی پەنجەمۆرەوە، پێموایە هەموو ئەوەش چارەسەر کراوە.

 

 

کڵاودیۆ کۆردۆنی: هیچ هۆکارێک نییە بۆ ئەوەی بەردەوام رەشبینبیت، ئەوە دەکەیت کە دەتوانیت بیکەیت و دەزانیت کە ئێمە پاڵپشتی دەکەین، ئێمە هەڵبژاردنەکە بەڕێوەنابەین بەڵکو ئێمە پاڵپشتی کۆمسیۆنی هەڵبژاردنەکان دەکەین و لەگەڵ هەموو لایەنە سیاسییەکان کۆدەبینەوە، داوا لە هەمووان دەکەین بە شێوەیەکی دیموکراسییانەی چەک مامەڵە لەگەڵ ئەم هەڵبژاردنە بکەن. هەروەها دەمەوێت ئەم دەرفەتە بقۆزمەوە تاوەکو داوا لە دەنگدەران بکەم بچن دەنگ بدەن، دەزانم زۆرجار گومان هەیە چونکە رەنگە خەڵک وا هەست بکەن و کە ساختەکاری دەکرێت یان هەڵبژاردنەکان جیددی نین، بەڵام ئەگەر دەنگ نەدەن ئەوا بێگومان بە سادەیی دەرفەتی خۆت بۆ دروستکردنی کاریگەری لەسەر ئەنجامی ئەم هەڵبژاردنانە دەفەوتێنیت. بۆیە پێموایە بەشدارییەکی فراوانیش خاڵێکی گرنگە.

 

 

کڵاودیۆ کۆردۆنی: ئێمە ستافی هەڵبژاردنمان هەیە، هەندێکیان لە راستیدا رۆژانە لەگەڵ کۆمسیۆنی هەڵبژاردنەکان کار دەکەن و پێداچوونەوە بۆ هەموو وردەکارییەکاندا دەکەن بۆ دڵنیابوون لەوەی پڕۆسەکە لە رووی تەکنیکییەوە تا بکرێت بێ خەوشە لە رووی رێگریکردن لە مەترسی ساختەکاری.

 

دەستپێشخەرییەکی دیکە کە لەلایەن کۆمسیۆنی هەڵبژاردنەکانەوە گیراوەتەبەر و ئێمەش پاڵپشتیمان کردووە داواکردنی چاودێری نێودەوڵەتییە لە نوێنەرایەتییە دیپلۆماسییەکان لێرە لە هەرێمی کوردستان و ئێمەش هەوڵ دەدەین ئاسانکاری بۆ ئەوە بکەین دەزانم نوێنەرایەتی هەیە بە جیددی لەمە دەڕوانێت، بێگومان ژمارەی چاودێرەکان بەوە ناکات ژمارەیەکی گەورە بێت بەڵام هێشتا گرنگە کە چاودێری دەرەکیمان هەبێت لە رۆژی دەنگداندا بەشداری بکەن و تەنانەت پێش و پاش دەنگدانیش بۆ ئەوەی گەرەنتییەکی زیاتر بدەین کە هەڵبژاردنەکە دادپەروەر دەبێت.

 

ئەوەشت بیر نەچێت لە هەموو وێستگەیەکی دەنگدان نوێنەری لایەنە سیاسییە جیاوازەکان هەن و رێکخراوە نێوخۆییەکانیش هەن کە وەکو چاودێر رێگەپێدراون، هەموو ئەم شتانە پێوستە یارمەتی پێدانی دڵنیایی بۆ ئەنجامێکی چاک و دادپەرەر و ئازاد بدەن.

 

 

کڵاودیۆ کۆردۆنی: ئەوە راستە، ئێمە پێشتر ئەوەمان نەکردووە چونکە رۆڵی ئێمە زۆر نزیکە لە کارکردن لەگەڵ کۆمسیۆنی هەڵبژاردنەکانەوە و پێمان باشە لایەنی دیکە و دامەزراوەی دیکە هەبن کە راستەوخۆ نەبەستراونەتەوە بە کۆمسیۆنی هەڵبژاردنەکانەوە کە کاری چاودێری بکات. بەهەرحاڵ، ئامادەبوونمان و لە کاتی بینینی شتەکان، ئێمە راوێژ دەدەین لەبارەی گرتنەبەری رێکار، بۆیە ئێمە لەو رووەوە رۆڵمان هەیە.

 

 

کڵاودیۆ کۆردۆنی: کۆمسیۆنی هەڵبژاردنەکان ئەوەی کردووە ئێمە ئاسانکاری دەکەین بۆ رێکخستنی کۆبوونەوە لەنێوان کۆمسیۆنی هەڵبژاردنەکان و نوێنەرایەتییە دیپلۆماسییەکان لێرە لە هەرێمی کوردستان ئەوان گفتوگۆیان لەبارەی رێگەکانی چاودێریکردن کرد و ئێمەش یارمەتییان دەدەین بۆ یەکلاکردنەوەی گرفتەکان لەبارەی شێوازەکان و ئەو جۆرە شتە کردارییانە. بەڵام من لە زیاتر لە 20 نوێنەرایەتی دیپلۆماسییەوە بیستوومە کە بیر لەوە دەکەنەوە خۆیان بەشداربن یان هاوکارەکانیان لە دەرەوەی وڵاتەوە بانگهێشت بکەن تاوەکو چاودێری بکەن، بەڵام بانگهێشتەکە لە کۆمسیۆنی هەڵبژاردنەکانەوە دێت، گرنگە کە دامەزراوەیەکی کوردستانە ئەمە دەکات، لەم پرسەدا کۆمسیۆن، کە هەرچەندە دامەزراوەیەکی عێراقییە. ئێمە هەمیشە لە پشتەوەین پاڵپشتی دەکەین و راوێژ دەدەین، بەڵام بڕیارەکان هەموویان لەلایەن دەسەڵاتە پەیوەندیدارەکانەوە دەدرێن.

 

 

کڵاودیۆ کۆردۆنی: حکومەت بۆ نموونە حکومەتێکی کاربەڕێکەرە، بۆیە دەکرێت بە ئاسانی رووبەڕووی ئاڵنگاری ببیتەوە بەرامبەر ئەو بڕیارانەی پێویستە بدرێن و دەزانیت دەکرێت کەسێک بچێنە دادگەی فیدراڵی و بڵێت دەمەوێت هەموو ئەو بڕیارانەی حکومەت داویەتی هەڵبوەشێنەوە چونکە ئەم حکومەتە وادەی بەسەرچووە دەکرێت ئەوە رووبدات، تاوەکو ئێستا دادگەی فیدراڵی بە پرسی وادا نەچووەتەوە ، بەڵام لە پرسی پەرلەماندا بۆ نموونە گوتیان پەرلەمان ناتوانێت وادەی خۆی درێژبکاتەوە بۆیە هەموو ئەو بڕیارانەی پەرلەمانی دەریکردبوون هەڵوەشانەوە. هەروەها مەترسی هەیە ئەوە رووبدات بەدەر لە دەستێوەردانی دادگەی فیدراڵیش ئەم کێشەیە هەیە کە خۆت دەزانیت دامەزراوەکانت هەیە هەر لە سەرۆکەوە بۆ سەرۆکوەزیران و ئەوان یەکەم کەسن کە دان بەوەدا بنێن چیدیکە شەرعییەتیان نییە و بۆیە تەنیا دەتوانن لە دۆخی کاربەڕێکەردابن. بەڵام لە کۆتاییدا، دەزانیت، پێویستمان بەم هەڵبژاردنە بوو بۆ راستکردنەوەی دۆخەکە و دڵنیابوون لەوەی هەموو دامەزراوەکان بە دروستی کار دەکەن.

 

 

کڵاودیۆ کۆردۆنی: هەموو هەڵبژادنێک گرنگە، مەبەست ئەوەیە کە عێراق خۆی وەکو دەوڵەتی دیموکراسی بونیاد دەنێت کە گواستنەوەی دەسەڵاتی تێدا هەبێت لە رێگەی هەڵبژاردنەوە بەشێوەیەکی ئاشتییانە. سەرەڕای هەموو شتێکیش باشە کە با بڵێین دیبەیتێکی زیندوو هەیە، دیبەتی سیاسی، ناکۆکی بەهێز لەنێوان دوو حیزبە سەرەکییەکە لە هەرێمی کوردستاندا هەیە هەروەها هەر لایەنێکی سیاسی دیکە ئەمە باشە تا ئەو کاتەی ئەمە لە نێوخۆی پڕۆسەی دیموکراسیدا رووبدات و هەڵبژاردنیش خاڵێکی بنەڕەتییە تاوەکو پەرلەمانت هەبێت و ئەم دیبەیتە لەنێو پەرلەماندا بەردەوامبێت نیگەرانی هەیە تەنانەت لەبارەی یاسای هەڵبژاردن و هەندیک خۆشحاڵ نین لەبارەی ئەنجامی ئەو دەستکارییانەی لە یاساکەی ئێستا کران، بەڵام ئێمە دەڵێین باشە لەوە تێدەگەین، بەڵام لە کۆتاییدا پەرلەمانی نوێ دەرفەتی ئەوەی دەبێت بە هەموو ئەو کێشانەدا بچێتەوە، بەڵام پێویستە پەرلەمانێکت هەبێت بە تەواوی شەرعی بێت و لە رێگەی هەڵبژاردنەوە هاتبێت.

 

 

کڵاودیۆ کۆردۆنی: لە سەرەتادا ئاماژەم بە زۆر شتی تەکنیکی کرد کە دەگیرێنەبەر بۆ گەرەنتیکردنی ئەوەی ئەو کەسەی دەنگ دەدات لە راستیدا کەسە دروستەکەیە، بۆیە تۆ ناتوانیت وەکو کەسێکی دیکە خۆت بناسێنیت گەرەنتی ئەوەی کە دەزانیت کاخەزەکانی دەنگدان ناخرێنە نێو سندووقەکانەوە بەبێ ئەوەی خەڵک بیانبینێت، رێگەیەکی ئەلیکترۆنی هەیە بۆ ئەوە کامێرا لە وێستگەکانی دەنگداندا هەن، ئەنجامەکان زۆر بەخێرایی دەردەکەون، بۆیە هەموو ئەم شتانە یارمەتیدەر دەبن بۆ کەمکردنەوەی ئەگەری ساختەرکاری لە کاتی دەنگدان. جارێکی دیکە، دەزانیت کە هیچ گەرەنتییەکی 100٪ نییە و ئێمە ناتوانین لەنێو مێشکی خەڵکدا بین و نازانین پێشتر و دواتر چی روودەدات، بەڵام لە رووی پڕۆسەکەوە کە ئەمە لەم وڵاتە هەیە و لە وڵاتانی دیکەش هەیە، من پێموایە ئەوەی هەیە دەبێت متمانە بە خەڵک بدات کە شایەنی ئەوەیە بچن و دەنگ بدەن چونکە ئەم هەڵبژاردنە دەکرێت ئازاد و دادپەروەر بێت لە کۆتاییشدا ناگەیتە خواستی خۆت تاوەکو بەشداری نەکەیت یان وەکو بەربژێر یان وەکو دەنگدەر.

 

 

کڵاودیۆ کۆردۆنی: ئەوە نازانین تاوەکو خۆیان دێن، بەڵام لە رابردووشدا دڵنیا نیم ئەگەر نیگەرانییەک لەمبارەیەوە هەبووبێت، ئێمە لە هەموو لایەنە پەیوەندیدارەکانەوە ئێمە دڵنیاییمان پێدەگات کە هەموو شتێک گەرەنتی دەکرێت تاوەکو ئاسایش هەبێت و هیچ کۆسپێک لەبەردەم جووڵەی خەڵکدا و شتی لەو شێوانە نابێت، ئەگەر هەر کێشەیەکی لەو جۆرە هەبن ئەوا بێگومان چاودێرەکان یەکەم کەس دەبن کە باسی بکەن و ئەوەش وەکو دەزانیت دەکرێت نیشانەیەکی شەرمەزاری بۆ هەڵبژاردنەکە دروست بکات بەڵام من گەشبینم کە هەڵبژادنەکە دەکرێت و پڕۆسەکە بەپێی پێویست جێی باوەڕ و بێ خەوش دەبێت.

 

 

کڵاودیۆ کۆردۆنی: بەڵێ بە وردی، دەزانیت کە تیمی هەڵبژاردنمان هەیە، بەڵام هەروەها تیمی مافەکانی مرۆڤ و تیمی دیکەشمان هەن کە چاودێری هەر تۆقاندن و هێرشێک دەکەن لە سۆشیال میدیا شوێنەکانی دیکەش. هەروەها لیژنەی ئاسایش هەیە، ئەمە بەشێکە لە دامەزراوەکانی حکومەت کە چاودێری دەکات، لەوانە سۆشیال میدیاش ئێمە هانی ئەوە دەدەین کە هەوڵی تایبەت بدرێت بۆ بەربژێرانی ژن، من رۆژی پێشوو لەگەڵ ئەنجوومەنی باڵای خانمان کۆبوومەوە بۆ باسکردنی ئەوەی چۆن بتوانین لەم رووەوە هاوکار بین. بۆیە ئەم رێکارانە کارا دەبن و ئێمەش بەردەوام دەبین لە چاودێریکردنی هەتا بتوانین، ئەگەر هەر هێرشێکی روونیش ببینین یان کرداری تووندوتیژی، ئەوا ئێمە باسی دەکەین، بەڵام دڵنیام لایەنەکانی دیکەش چاویان لەسەر ئەمە دەبێت.

 

 

کڵاودیۆ کۆردۆنی: بانگەشە بەم نزکانە دەستپێدەکات، بەڵام لە رووی ئامادەکارییەوە ئەوا بەڵێ، ئێمە ئاگاداری لیژنەی ئاسایشین و کۆمسیۆنی هەڵبژاردنەکانیش بەشێکە تێیدا، وەزارەتی نێوخۆش رۆڵێکی سەرەکی هەیە بیبینێت لەو رووەوە. ئێمە ئەرکێکی دیاریکراومان هەیە کە دڵنیابین هانی بەشداریکردنی ئافرەتان دەدرێت، چونکە هەندێک جار ئافرەتان هەر کاتێک بەشدارییان لە بانگەشەدا کردبێت زیاتر لە پیاوان کراونەتە ئامانج.

 

 

کڵاودیۆ کۆردۆنی: بەڵێ ئێمە تەماشای هەر شتێک دەکەین لە میدیا رووبدات کە دەستێوەردان بێت هەڕەشە بێت یان هەرشتێک بەڵام پێموایە دەزانیت کە میدیا و خودی ئەم بەرنامەیە نموونەیەکە کە میدیا رۆڵێکی سەرەکی هەیە بیبینێت و ئێمە خۆشحاڵین بۆ ئەوەی هانی زۆرترین دیبەیت بدەین، دیبەیتێک کە گشتگیربێت و هەموو لایەنەکانی تێدابێت و دادپەروەرانە کات بە لایەنەکان بدات و لەگەڵ نزیکبوونەوە لە رۆژی دەنگدان هانی بەشداریکردنی دەنگدەران بدات.

 

 

کڵاودیۆ کۆردۆنی: ئێمە هەردوو نووسینگەی میدیا و نووسینگەی مافی مرۆڤمان چەندین وۆرکشۆپی لەگەڵ میدیا جیاوازەکان کردووە بۆ قسەکردن لەسەر ئەو رێگانەی کە دڵنیایی رووماڵێکی دادپەروەرانە دەدات. بۆیە لەم رووەوە ئەوە ئەو رۆڵەیە کە ئێمە دەیبینین. بەڵام لە کۆتاییدا ئێمە ناتوانین زۆر دەستێوەردان لەوەدا بکەین کە روودەدات، بەڵام زۆر خۆشحاڵ دەبین و هیوادارین بەرنامەی زیاتر هەبن کە بەشدارییەکی فراوانی هەموو گرووپە سیاسییەکانی تێدا بێت بۆ خستنەڕووی کارەکانیان و پرسیارکردن لێیان بۆ ئەوەی تیشکی هەڵبژاردنەکە لەسەر بەرنامە و بیرۆکەکان بێت نەک تەنیا کەسایەتییەکان یان جۆری دیکەی لایەنداری تاکەکەسی.

 

 

کڵاودیۆ کۆردۆنی: بەڵێ، دڵنیام کە کۆمسیۆنی هەڵبژاردنەکان تەماشای ئەو لایەنەش دەکات، جارێکی دیکە دەمەوێت جەخت بکەمەوە کە چەند گرنگە باڵانس و کاتێکی دادپەروەرانە بە هەموو بۆچوونە سیاسییەکان بدرێت بۆ هەموو ئەو خەڵکانەی بەشداری لەم بانگەشەیەدا دەکەن.

 

 

کڵاودیۆ کۆردۆنی: ئەگەر هەڵبژاردنەکە جێی باوەڕ بێت و بەباشی بەڕێوەببرێت، ئەوا هیچ هۆکارێک نییە گومان لە ئەنجامەکان بکرێت. ئینجا پێموایە گەمەی دیموکراتی ئەوەیە ئەنجامی هەڵبژاردن قبووڵ بکەیت، تەنانەت ئەگەر لە ریزی دۆڕاوەکاندا بیت. بەداخەوە هەندێک جار، کە ئەمە تەنیا لێرە روونادات و لە وڵاتانی دیکەشدا دەیبینین، ئەوانەی لە هەڵبژاردندا دەدۆڕێن یەکەم شت کە دەیکەن ئەوەیە گومان لە شەرعییەتی هەڵبژاردنەکە دەکەن، هەرچەندە ئەگەر بنەماشی نەبێت بۆیە بەڵێ پێموایە گرنگە هەڵبژاردنەکە بەشێوەیەکی رۆشن و دادپەروەرانە بکرێت، ئەو کاتە ئەنجامەکانی هەڵبژاردن قبووڵ دەکرێن و ئینجا دانوستاندنی سیاسی لەبارەی پێکهێنانی حکومەت و دەستنیشانکاردنی دامەزراوە جیاوازەکان دەستپێدەکات کە ئەمە بەشێکە لە پڕۆسەیەکی دیموکراسی ئاسایی.

 

 

کڵاودیۆ کۆردۆنی: ئێمە چیدیکە رۆڵی خزمەتگوزاری سیاسیمان نییە بەو واتایە، بۆیە ئێمە بەشداری لە گفتوگۆی سیاسیدا ناکەین دەزانیت کە رۆڵی ئێمە بەگوێرەی دوایین ئەرک کە لە مانگی ئایاری رابردوودا ئەنجوومەنی ئاسایش پەسندی کرد دابینکردنی هاوکارییە بۆ پڕۆسەی تەکنیکیی هەڵبژاردنەکان بەڵام لایەنە سیاسییەکەی لە دەستی حیزبەکان و پەرلەمانی نوێدا دەبێت.

 

 

کڵاودیۆ کۆردۆنی: ئۆفیسمان لە هەولێر هەیە لەوێشدا تیمی هەڵبژاردنمان هەیە و لەنێو ستافی هەڵبژاردندا ئۆفیسێکمان لەنێو کۆمسیۆنی هەڵبژاردنەکاندا هەیە. ژمارەمان زۆر نییە و هەمیشە دەتوانیت بڵێیت بۆچی ژمارەمان زیاتر نییە، بەڵام پێموایە خەڵکێکمان هەیە کە ماوەیەکی زۆر لێرە بوون و زۆر شارەزان و بەردەوام دەبین لە دابینکردنی پاڵپشتی بە هەر سەرچاوەیەک کە هەمانە.