عیرفان عەبدولعەزیز: دروستكردنی بەرەی ئیسلامی لە كوردستان فەشەلی هێنا

رووداو- هەولێر

 

عیرفان عەبدولعەزیز، رابەری بزووتنەوەی ئیسلامیی كوردستان لە هەڤپەڤینێكدا لەگەڵ (رووداو) دەڵێت بەهۆی گوشاری ئەو لایەنانەی نفوزیان لە هەرێمی كوردستان هەیە، دروستكردنی بەرەی ئیسلامی "فەشەل"ی هێناوە. هەروەها دەڵێت هۆكاری كەمبوونەوەی دەنگەكانیان لێدان بوو لەو لیستە ئیسلامییەی دروستیان كردبوو، چونكە وەك ئەو دەڵێت، ئەو لایەنەی لە لیستەكەی دا، پێیوابوو لیستەكە لیستێكی سوننەكانە.

 

 

عیرفان عەبدولعەزیز: لەدوایین هەڵبژاردندا بارودۆخمان باش بوو. هەر كەسێك دێت با لە هەڵەبجە تەحقیق بكات، بزانێ‌ بارودۆخمان چۆن بووە، بەڵام ناهێڵن. هەڕەشە لەو لیستە كرا كە دروستمان كرد. خەڵكێك پێیوابوو ئەوە لیستی سوننەیە. 

 

عیرفان عەبدولعەزیز: ئەو خەڵكەی كە لە بەغدا حوكم دەكەن. هەموو كەس دەزانێ‌ كە لێدراین. بەو هۆیەوە ئەو كورسییەشی هەمانبوو نەما. دەستێك هەیە، حەز بە وجودی بزووتنەوەی ئیسلامی ناكات. 

 

 

عیرفان عەبدولعەزیز: بە تایبەتی بە بزووتنەوەی ئیسلامی. 

 

 

عیرفان عەبدولعەزیز: وەكو دوژمن كەس بە دوژمنی خۆمان نازانین، بەڵام ناحەزمان زۆرە. بۆ نموونە كاتی خۆی كێشەمان لەگەڵ هەندێك لایەن هەبووە، ئەو لایەنانە تاوەكو ئێستاش چاویان بە بزووتنەوە هەڵنایەت. بۆیە كێشەمان هەر بۆ دروست دەكەن. دواتر مەسەلەی خۆمان وەكو بزووتنەوە، لە 2000ەوە سەرچاوەی داهاتمان بڕاوە.

 

 

عیرفان عەبدولعەزیز: لە 2000 تاوەكو 2008 نەیانهێشت بزووتنەوە هەر لە نەخشەدا بمێنێ‌. هیچ بودجەیەكمان نەما، لە كاتێكدا لەو ساڵانەی دوایی بە تایبەتی دوای 2003 ساڵی گەشەكردنی حیزبەكان بوو. هیچ حیزبێك نەبوو مانگانە كەمتر لە 400 ملیۆن دینار وەرگرێ‌. بەڵام بزووتنەوەی ئیسلامی یەك دیناریشی لەو بودجەیە نەبوو. پەراوێز خرابوو، ئێ حیزب چۆن دەمێنێ‌. ئینجا سەبارەت بە كادیرەكانیش. كادیرمان هەیە زۆر بە توانایە، بانگكراوە و 40 كەس كراوە بە كەفیلی كە نابێ‌ بزووتنەوە بێ‌. جگە لەوەش بەمدواییە بەناوی دامەزراندنی رێكخراوی كۆمەڵگەی مەدەنی هاندەدران بۆ ئەوەی دوور بكەونەوە لە بزووتنەوە.

 

 

عیرفان عەبدولعەزیز: ئێمە پێداچوونەوەمان كردووە. لە هەڵبژاردنی ئەمجارە بارودۆخمان باش بوو، تەنانەت من لەسەر تەلەفزیۆنیش گوتم ئەگەر هەر تەنیا یەك كورسییەكەی خۆمان بێنینەوە، من دەست لەكار دەكێشمەوە. ئێمە دەمانویست بزووتنەوە بگەڕێتەوە دۆخی جارانی خۆی كە بزووتنەوەیەكی نیشتیمانی جەماوەری بوو، خەڵك خۆشیدەویست و ئێستاش هەر خۆشیاندەوێ‌. بەڵام تۆ راگەیاندنت نییە، چۆن خەڵك تێدەگەیەنی. جیلی دوای 2000 هیچی نازانێ‌ بزووتنەوە چییە.

 

 

عیرفان عەبدولعەزیز: تەلەفزیۆنێكمان هەبوو بە هەزار دەردەسەری خۆم چووم گرێبەستم لەگەڵ كۆمپانیایەك كرد، ئەویش تەنیا ساڵێك توانیمان پارەكەی بدەین. كە بودجە بڕا، ئەویش بڕا.

 

 

عیرفان عەبدولعەزیز: سوپاس بۆ خودا، ئەوانە ئێستا كێشەیان نییە و گەڕانەوە. ئێمە لەگەڵ یەكگرتوو لیستێكمان هەبوو، تموحمان هەبوو 20 كورسی بەدەستبهێنین، بەڵام وەها لێدراین تەنیا پێنج كورسیمان هێنا. بۆ پەرلەمانی عێراق بە تەحەداوە دەڵێم: ئێمە لە هەڵەبجە 23 هەزار دەنگمان هێنا، لایەنێكی دیكە 3000 دەنگی هێنا. هاتن 3000 دەنگەكەیان دا بە ئێمە و 23 هەزار دەنگەكەی ئێمەشیان دا بە ئەوان.

 

 

عیرفان عەبدولعەزیز: ئەوكاتە كە لە هەڵەبجە بووین، ئەو قسانە دەكرا، بەڵام كە ئینشیقاق روویدا، بارەكە پێچەوانە بووەوە. لەدوای 2000 كەس ناڵێت بزووتنەوە لە ئێران نزیكە. رەنگە باجی ئەوەمان دابێ‌ كە لە ئێران دوورین. 

 

 

عیرفان عەبدولعەزیز: بۆ دائیمی بوو، هەم ئێمە، هەم برایانی كۆمەڵ، یەكگرتوو و سۆفی و سەلەفییەكان دائیرەیەك دروست بكەین كە لێكتێگەیشتنێك لە نێوانماندا هەبێ‌، هەم بۆ خۆمان هەم بۆ ئەو گەنجە جوانانەی بە هەڵە دەچنە ئەم حیزب و ئەو گرووپ. ئەوە بۆ ئەمنییەتی كوردستانیش شتێكی زۆرباش بوو. بەڵام ئەویش فەشەلی پێهێنرا. 

 

 

عیرفان عەبدولعەزیز: هەر ئەوانەی هەژموونیان بەسەر كوردستاندا هەیە. 

 

 

عیرفان عەبدولعەزیز: نەخێر، ئێمە كە دادەنیشتین هیچ كێشەیەكمان نەبوو. بەڵام لە دەرەوە هەوڵدەدرا ئەوە بكرێ‌. 

 

 

عیرفان عەبدولعەزیز: بەڵێ‌ ئەو هەوڵانە هەموویان سەردەكەون. 

 

 

عیرفان عەبدولعەزیز: ئەو حكومەتە لە نێوان پارتی و یەكێتی و گۆڕان دابەش كراوە.  جێگەیان بۆ كەسی دیكە نەهێشتووەتەوە.

لە دەرەوەی حكومەتیش حیزبەكان لە حاڵەتێكی چاودێریدان، پێیانخۆش نییە ئەو حكومەتە فەشەل بهێنێ‌ و چاوەڕێن ئەو حكومەتە بتوانێ‌ ئیشی باش بكات. تا حەددێكیش ئیش كراوە، لەگەڵ ئەوەشدا فشار زۆرن، ناكرێ‌ لە ئێستاوە حوكم بدەین كە فەشەلی هێناوە یان سەركەوتووە. ئەو حیزبانەی دەرەوەی حكومەت خێری میللەتی خۆیانیان دەوێ‌. 

 

 

عیرفان عەبدولعەزیز: باوەڕ ناكەم، جارێ‌ ئێمە فەشەلمان هێنا لە دروستكردنی بەرەی ئیسلامی. باوەڕ ناكەم جارێكی دیكە دووبارە ببێتەوە؟

 

 

عیرفان عەبدولعەزیز: نەخێر، ئەگەر پێشتر شتێك بووبێ‌، ئێستا من و مامۆستا عەلی باپیر هیچ كێشەیەكمان نییە. بگرە رەنگە ئێستا زۆر لە یەكدیش نزیك بین. دواتر سەردانی بارەگاكانی یەكدیمان كرد، سەردانی مەڵبەند بە مەڵبەندی برایانی یەكگرتوو و كۆمەڵم كرد، هەر وەكو جاران وەكو ئەوەی یەك حیزب بین، هیچ كێشەیەكمان نییە.