جێگری گوتەبێژی پێنتاگۆن بۆ رووداو: هیچ بنکەیەکی سەربازیمان لە کۆبانێ نییە

 

لە ژووری کۆنفرانسی رۆژنامەوانیی پێنتاگۆن، سابرینا سینگ، جێگری گوتەبێژی پێنتاگۆن لەم هەڤپەیڤینەدا لەگەڵ رووداو لەبارەی هێزەکانی ئەمریکا لە سووریا و رۆژئاوای کوردستان، ئەرکەکانی هێزەکانی ئەمریکا لە عێراق و سووریا، روانگەی ئەمریکا بۆ دەستەی تەحریر شام (هەتەشە)، دەنگۆی دامەزراندنی بنکەی ئەمریکا لە کۆبانێ، هەروەها حەشدی شەعبی و ئێران قسەی کرد.

 

سابرینا سینگ لە گوتەکانیدا جەختی کردەوە لەوەی ئەمریکا 900 سەربازی سەرەکیی لە سووریا دا هەبووە و لەدوای رووخانی دەسەڵاتی بەشار ئەسەدیش، "هیچ گۆڕانکارییەک لە پێگەی هێزەکانمان لە سووریا رووینەداوە." 

  

لەبارەی بوونی بنکەی سەربازی لە کۆبانێ کە زۆر راپۆرت باسی بوونی "بنکەی کاتیی ئەمریکا" دەکەن جێگری گوتەبێژی پێنتاگۆن جەختی کردەوە لەوەی "دەتوانم بەدڵنیاییەوە پێت بڵێم؛ ویلایەتە یەکگرتووەکان لەژێر ئەم ئیدارەیەدا نە پلانێکی هەیە بۆ دامەزراندنی بنکە و نە بنکەشی هەیە لە ناوچەی کۆبانێ دا."

 

سابرینا سینگ: دەبێت کەمێکت بۆ راست بکەمەوە. ئێمە لە مێژە ئەو هێزانەمان لەوێن، زۆر پێش رووخانی بەشار ئەسەد...

 

 

سابرینا سینگ: راستە، ئەوانەمان هەبوو...

 

 

سابرینا سینگ: ئەو هێزانە، ئەو ژمارەیەی تۆ باسی دەکەیت، ئەو 2000 سەربازە چەند ساڵێکە لەوێن. ئێمە 900 سەربازی سەرەکیمان هەبووە کە هەمیشە بەشی سەرەکیی ئۆپەراسیۆنی تێکشکاندنی داعش بوون لە سووریا. جار جار ژمارەی هێزەکانمان زیاد کردووە بۆ ناوچەکە بەگوێرەی گۆڕینی تواناکان. هەندێک جار کارمەندەکانمان گۆڕیوە، کاتێک دێن و دەڕۆن، جار جار دووبارەبوونەوە هەیە. بۆیە هەندێک جار زیادبوونی سەربازت بینیوە، بەڵام ئەو ژمارەیە هیچ کات لە وەڵامی رووخانی ئەسەددا نەبووە. ئەو 2000 سەربازەی لە کۆنفرانسە رۆژنامەوانییەکانی پێنتاگۆندا لێرە باسمان کردووە، بۆ ماوەیەکی درێژ ژمارەیەکی جێگیر بووە و وەڵامدانەوە نەبووە بۆ رووخانی ئەسەد.

 

 

سابرینا سینگ: راستە، ئەمە شتێکی راگەیێندراو بووە. لە وەڵامدانەوەی رووخانی ئەسەددا نەبووە، هیچ گۆڕانکارییەک لە پێگەی هێزەکانمان لە سووریا یان عێراق رووینەداوە و هیچ گۆڕانێکیش لە ئەرکەکانمان لەو دوو وڵاتەدا نەبووە. ئەرکەکان تێکەڵن و ئەو ئەرکەش، کە دڵنیام تۆ و بینەرانیش ئاگاتان لێیەتی، ئەرکی تێکشکاندنی داعشە. بۆیە توخمی سەرەکی و هۆکاری بوونی هێزەکانمان لە سووریا و ئەو 2000 سەربازەی باسی دەکەیت، بۆ دڵنیابوونە لە تێکشکاندنی بەردەوامی داعش.

 

 

سابرینا سینگ: سەبارەت بە کۆبانێ، دەتوانم بەدڵنیاییەوە پێت بڵێم ویلایەتە یەکگرتووەکان لەژێر ئەم ئیدارەیەدا نە پلانێکی هەیە بۆ دامەزراندنی بنکە و نە بنکەشی هەیە لە ناوچەی کۆبانێ. سەبارەت بە شوێنی پێگەکانمان لە ناوچەکەدا، ناتوانم ژمارەیەکی دیاریکراوت پێبدەم، بەڵام دەتوانم پێت بڵێم لە باکوور و رۆژهەڵاتی سووریاین. ئەوە، ئەو شوێنەیە کە لە دەیەی رابردوودا هەمیشە لەوێ بووین. لەوێوە هێزەکانمان کار دەکەن کاتێک کارەکە پەیوەندیی بە ئەرکی بەردەوامی تێکشکاندنی داعشەوە هەیە. بەڵام لەم ئیدارەیەدا، ئیدارەی بایدن وهاریس، نە پلان هەیە و نە کارێکی بەردەوامیش هەیە بۆ دامەزراندنی بنکەی ئەمریکی لە ناوچەی کۆبانێ.

 

 

سابرینا سینگ: گرنگە بیرمان بێت کاتێک باسی ئەرکی تێکشکاندنی داعش دەکەین، ئێمە بەشێکین لە هاوپەیمانییەکی جیهانی. ئەو هاوپەیمانێتییە نێودەوڵەتییە وڵاتانی سەرانسەری جیهان لەخۆدەگرێت کە تێدەگەن هەرچەندە داعش وەکو دەیەیەک لەمەوبەر هەڕەشە نییە، بەڵام هێشتا هەڕەشەیە. ئێوە ئەوەتان لێرە لە ویلایەتە یەکگرتووەکان بینی کاتێک هێرشەکەی نیو ئۆرلیانزمان بینی، کە هێرشکەرەکە لەلایەن داعشەوە هاندرابوو. داعش بڵاودەبێتەوە و بۆ گەیشتن بە خەڵک رێگە دەدۆزێتەوە، چ لە وڵاتان بێت یان لە رێگەی تۆڕە کۆمەڵایەتییەکانەوە. بۆیە با بگەڕێمەوە بۆ پرسیارەکەت لەسەر چۆنیەتیی ئەرکەکەمان و تەلەفۆنەکانی وەزیر (ـی بەرگریی ئەمریکا) لەگەڵ تورکیا و هاوتاکەی. پێموایە هەمووان تێدەگەن و بێگومان رۆڵێکیان هەیە لێرەدا بۆ دڵنیابوون لەوەی داعش جارێکی دیکە نەگەڕێتەوە بۆ ئەو دۆخەی دەیەیەک لەمەوبەر. تورکیا تێدەگات، ئێمەش لەو هەڕەشانە تێدەگەین کە رووبەڕووی تورکیا دەبنەوە، بەڵام ئەوەی لەگەڵ تورکیا کردوومانە و بینیوتانە وەزیر کردوویەتی، پەیوەندییەکی کراوەیە و هەرچەندە ناتوانم باسی ئەوە بکەم کە ئیدارەی داهاتوو چ بڕیارێک دەدات، تەنیا دەتوانم باسی ئەم ئیدارەیە بکەم. زۆر بە روونی دیاریمان کردووە مەبەست و ئەرکەکەمان جەختی لەسەر ئەرکی تێکشکاندنی داعش کردووەتەوە و هاوبەشمان لەو ئەرکەدا هێزەکانی سووریای دیموکراتە و، بێگومان لەگەڵیشیدا هاوپەیمانیی نێودەوڵەتییش.

 

 

سابرینا سینگ: پێموایە بەشێک لەوەی تۆ ئاماژەی پێدەکەیت ئەو گرژییانەیە کە لە ناوچەی کۆبانێ سەریان هەڵداوە. ئێستا دەبینین رێککەوتنێک یان لێکتێگەیشتنێک لەنێوان هەردوولادا هەیە و تا رادەیەک راوەستانی تووندوتیژیمان لەو ناوچەیەدا بینیوە. بۆیە پێشوازی لەوە دەکەین. کاتێک بابەتەکە پەیوەندیی بە هەڕەشەکانی دیکەوە هەیە دژی هاوبەشەکانمان و هێزەکانی دیکەی ناوچەکە، بێگومان ئێمە ئەوە بەجیددی وەریدەگرین، بەڵام ناتوانین رێگە بدەین لە ئەرکەکەمان دوورمان بخاتەوە، کە دڵنیابوونە لەوەی داعش ناتوانێت جارێکی دیکە سەرهەڵبداتەوە و هەڕەشە لە هێزەکانی ئەمریکا بکات، هەڕەشە لە هاوبەش و هاوپەیمانەکانمان لە ناوچەکە بکات و هەڕەشە لە  نیشتمانەکەمان بکات، بۆیە ئێمە لە سووریاین.

 

 

سابرینا سینگ: پێموایە گرنگە لە یادمان بێت گەلی سووریا قسەی خۆیان هەیە لەسەر ئەوەی چۆن حکومەت و وڵاتەکەیان بەڕێوەدەبرێت. ئێمە خۆمان لەو پرۆسەیە دوور ناخەینەوە. بەڵام لە کۆتاییدا گەلی سووریا داهاتووی وڵاتەکەیان دیاری دەکەن. لەگەڵ ئەم حکومەتە نوێیەی پێکدێت، دەبێت جەخت لەوە بکەمەوە زۆر نوێیە و، سەرکردەکانی هەتەشە هەموو شتە راستەکان دەڵێن، بەڵام دەبێت کردەوەکان لەگەڵ قسەکانیاندا یەکبگرنەوە. بینیتان شاندێکی ئەمریکی چوو و دیداری لەگەڵ ئەم سەرکردایەتییە کرد. خۆزگە دەمتوانی ئێستا بە روونی پێت بڵێم داهاتووی سووریا چۆن دەبێت، بەڵام هێشتا لەگەڵ ئەمەدا نوێین، بە تایبەتی لەوەدا ئەم حکومەتە چۆن پێکدێت و چۆن یەکدەگرێتەوە. بۆیە بۆ وەڵامی پرسیارەکەت پێموایە دەبێت چاوەڕێ بکەین و ببینین ئەم حکومەتە چۆن دەبێت، بەڵام لەکۆتاییدا دەکەوێتە سەر گەلی سووریا کە ئەوە دیاری بکەن.

 

 

سابرینا سینگ: راستە، مانگێکە. بەڵێ، مانگێکە. بۆیە پێمانوایە گرنگە ئەوەمان لەبیر بێت.

 

 

سابرینا سینگ: بێگومان، هەمانە.

 

 

سابرینا سینگ: ئێمە، بە ئاشکرا گوتوومانە دەرفەتێکی گەورە لە سووریا هەیە و مەترسییەکی گەورەش هەیە، دەکرێت هەردووکیان لە هەمان کاتدا یەکسان بن. دەرفەتەکە بۆ داهاتوویەکی دیموکراتی هەیە، یان ئەو داهاتووە چۆن دەبێت، بەڵام دەبێت لەلایەن گەلی سووریاوە بڕیاری لەسەر بدرێت. مەترسییە گەورەکە ئەوەیە دەزانین گرووپگەلی وەک داعش سوود لە دۆخی وا وەردەگرن، لەو دۆخانەی سەرکردایەتییەکی روون نییە و لەوانەیە ئاژاوە هەبێت. ئەوە ئەوەیە کە نامانەوێت بیبینین. بۆیە ئێمە لە سووریاین و بۆیە بوونمان لە سووریا زۆر گرنگە. بۆ دڵنیابوونە لەوەی داعش ناتوانێت سوود لەو ساتە وەربگرێت کە گەلی سووریا داهاتووی خۆیان دیاری دەکەن. دەبێت رێگەیان پێبدەین ئەوە بکەن.

 

 

سابرینا سینگ: پێموایە ئەوەی دەتوانم بیڵێم ئەوەیە تەنیا دەتوانم لەبری ئەم دامەزراوەیە قسە بکەم، بەڵام ناتوانم لەبری هێزەکانی سووریای دیموکرات قسە بکەم لەسەر بیرکردنەوەیان لەم پرسەدا.

 

 

سابرینا سینگ: ئەم دامەزراوەیە چۆن بیر لەم پرسە دەکاتەوە؟ لە رێگەی ئەرکەکەمانەوە. جا ئەرکەکەمان هێشتا نەگۆڕاوە. بۆیە کاتێک پەیوەندی بە ئەرکی تێکشکاندنی داعشەوە هەیە، بێگومان بەرژەوەندیی خۆمان لەوەدایە دڵنیابین داعش ناتوانێت بگەڕێتەوە بۆ خاڵێک کە هەڕەشە لە هێزەکانی ئەمریکا بکات و ببێتە هەڕەشە بۆ سەر ئاسایشی نیشتمانیمان. بۆیە هەموو شتێک دەکەین بۆ دڵنیابوون لەوەی ئەو ئەرکە لەم ئیدارەیەشدا بەردەوام دەبێت. دەزانیت، پێموایە دەبێت هێزەکانی سووریای دیموکرات بڕیار بدەن داهاتوویان چۆن دەبێت لەم حکومەتە نوێیەی پێکدێت. ئەوە بۆ ویلایەتە یەکگرتووەکان نییە بڕیار لەوە بدات. ئەوەی دەتوانم بیڵێم و دەتوانم لەبری هێزەکانی سووریای دیموکرات قسەی لەسەر بکەم، هاوبەشایەتیمانە لە تێکشکاندنی داعشدا. دەیڵێمەوە، تۆ گوتت ئەم حکومەتە تەمەنی مانگێکە. بەڵێ تەمەنی مانگێکە، بۆیە دەبێت رێگە بدەین شتەکان بەردەوام بن و دەربکەون. پێموایە تۆ هەموو پرسیارە راستەکان دەکەیت. ئێمەش هەمان ئەو پرسیارانەمان هەن.

 

 

سابرینا سینگ: پێموایە ئەوە پرسیارێکی گریمانەییە، بۆیە ناتوانم وەڵامت بدەمەوە.

 

 

سابرینا سینگ: فەرموو. 

 

 

سابرینا سینگ: بینیومە هەندێک راپۆرت لەبارەی جۆرێک پێشنیاز یان رێککەوتن لەگەڵ هێزەکانی ئەمریکا و هێزەکانی وڵاتانی دیکە هەن. من ئاگاداری هیچ شتێکی وا نیم. دەیڵێمەوە، شتەکان بەردەوام لە گەشەکردندان لەو ناوچەیە. کاری لەپێشینەی ئێمە، ئەرکی ئێمە، سەرنجی ئێمە، هێشتا نەگۆڕاوە و تاکە هۆکاری بوونمان لە سووریا دڵنیابوونە لەوەی داعش ناتوانێت سەرهەڵبداتەوە. بۆیە ئەوە بە سەرنجی ئێمە دەمێنێتەوە. دەیڵێمەوە، ئەو راپۆرتانەم بینیوە، بەڵام هیچم نییە لەو بارەیەوە پێشکەشی بکەم.

 

 

سابرینا سینگ: سەیرکە، کاتێک بابەتەکە پەیوەندیی بە دامەزراندنی هەر جۆرە بنکەیەکی زیادەوە هەیە، پێموایە ئەوەی تۆ ئاماژەی پێدەکەیت، دیسانەوە ناوچەی کۆبانێیە. لەم ئیدارەیەدا هیچ پلانێک نییە بۆ دامەزراندنی بنکەیەکی ئەمریکی لە کۆبانێ یان لەو ناوچەیە. دەیڵێمەوە، شوێنی هێزەکانی ئەمریکا لە ناوچەکە و لە سووریا لەو بەشەی باکووری رۆژهەڵاتی وڵاتەکەیە و سەرنجمان لەسەر ئەوێیە. خۆت دەزانیت ئێستا نەخشەیەکم لەبەردەمدا نییە، بەڵام دەتوانیت سەیری بکەیت و دەتوانیت ببینیت هێزەکانی ئەمریکا لە کوێن. جا لە نزیک کۆبانێ نین. بۆیە دەیڵێمەوە، دەبێت ئەو راپۆرتانە رەتبکەمەوە کە بڵاوبوونەتەوە و باس لەوە دەکەن کە دەمانەوێت جۆرێک لە هەیکەلی هەمیشەیی دابمەزرێنین. لەم ئیدارەیەدا چەند رۆژێکمان ماوە، بۆیە لەم ئیدارەیەدا ئەوە لە پلانماندا نییە.

 

 

سابرینا سینگ: چ جۆرە لێکتێگەیشتنێک؟

 

 

سابرینا سینگ: دەزانم چی دەپرسیت...

 

 

سابرینا سینگ: ئەوە پێتدەڵێم سەبارەت بە گفتوگۆکان لەگەڵ ئیدارەی داهاتوو. یەکەم، ئەم سەرۆکە و وەزیر پابەندن بە دڵنیابوون لە دەستاودەستێکی ئارام. کاتێک گۆڕانکاری بەسەر پارتە سیاسییەکان و ئیدارەیەکی نوێدا دێت، کاتێک دەستاودەستەکە روودەدات، ئاگاداریان دەکەینەوە لە هەموو جۆرە شتێک لەبارەی ئۆپەراسیۆنەکانەوە. دەزانیت پێگەی هێزەکانی ئەمریکا لە ناوچەکە. دەکرێت لەسەر کۆمەڵێک بابەتی فراوان بێت. لە کۆتاییدا، هیچ یاداشتی لێکتێگەیشتن لەبارەی دڵنیابوون لە شتی دیاریکراو نییە. لە کۆتاییدا دەکەوێتە سەر ئیدارەی داهاتوو، دەکەوێتە سەر سەرۆکی داهاتوو بڕیار بدات دەیەوێت چی بکات. بۆیە ئێستا، تەنیا دەتوانم لەبری ئیدارەی بایدن و هاریس و ئەم وەزیرە قسە بکەم. ئەم وەزیرە، بێگومان وەک فەرماندەی پێشووی سێنتراڵ کۆماند، کەسێک کە لە عێراق و ئەفغانستان خزمەتی کردووە، پێموایە لە گرنگیی تێکشکاندنی داعش تێدەگات و لە گرنگیی هێزەکانمان لە سووریا تێدەگات و بێگومان هیوادارین ئیدارەی داهاتوو و وەزیری بەرگریی داهاتوویش لەوە تێبگات. سەیربکە، ئەوان دەبن بە بڕیاردەر. دێنە نێو ئەم دامەزراوەیە، هەموو رۆژێک لەگەڵ ئەو پیاو و ژنانەدا کۆدەبنەوە کە پشتیوانی لەو ئەرکە دا دەکەن. لەوانەیە دەرفەتی سەردانی ناوچەکەیان هەبێت. لەکۆتاییدا دەکەوێتە سەر ئیدارەی داهاتوو بڕیار بدات چی لەگەڵ هێزەکانمان دەکات.

 

 

سابرینا سینگ: رێک نیگەرانیمان ئەوەیە گرووپە میلیشیاییەکان لە عێراق و سووریا هەن و ئێران پشتیوانیان دەکات. مەبەستم ئەوەیە، زۆر بە ئاشکرا باسی نیگەرانییەکانمان کردووە لەبارەی هێرشەکان بۆ سەر هێزەکانی ئەمریکا، ئەو هێرشانەی لەوێ  لە ئەرکەکە دوورمان دەخەنەوە. سەیرکە، نهێنی نییە. لە گفتوگۆکانماندا لەگەڵ حکومەتی عێراق زۆر راشکاو بووین و هەوڵدەدات زیان بەو هێزانەی ئەمریکا هاوبەش و هاوپەیمانەکانمان بگەیێنێت کە لە ناوچەکەن. پێموایە بینیوتانە ویلایەتە یەکگرتووەکان لە سەروەختی ئەم وەزیرەدا هەنگاوی گەورەی ناوە بۆ لێپێچینەوە لە گرووپەکانی سەر بە ئێران و لێپێچینەوە لە ئێران. با ئەمە فراوانتر بکەینەوە. دەزانیت، سەیری دوورتر لە عێراق و سووریا بکەین و سەیری هەندێک لەو کارە بکەین کە کردوومانە بۆ پشتیوانی لە هاوبەشەکانمان لە ئیسرائیل. پێویستە بیر لە نیسان و تشرینی یەکەم بکەیتەوە، کاتێک ئێران چەندین مووشەکی بالیستیی بەرەو ئیسرائیل هاویشت. ویلایەتە یەکگرتووەکان رۆڵێکی گەورەی هەبوو لە خستنەخوارەوەی هەندێک لەوانە و بەرگریکردن لە هاووڵاتییانی ئیسرائیل لەوێ. پێموایە گرنگە بیر لەوە بکەینەوە کە بێگومان بە شێوازی جیاواز لێپێچینەوەمان لەگەڵ ئێران کردووە، چ لە رێگەی گرووپە نوێنەرەکانیانەوە، وەک حوسییەکان یان گرووپە میلیشیاکان کە لە عێراق و سووریا کار دەکەن یان راستەوخۆ لەگەڵ ئێران خۆی.

 

 

سابرینا سینگ: لە گفتوگۆکانماندا لەگەڵ حکومەتی عێراق زۆر راشکاو بووین و ...، ئیتر هەر ئەوەندە دەڵێم.

 

 

سابرینا: فەرموو.

 

 

سابرینا سینگ: هیچ زانیارییەکی تازەم لەسەر ئەو چاکسازییانە نییە کە باسی دەکەیت. دەتوانم پێت بڵێم کە بێگومان سوپاسگوزاری کارەکانی هێزەکانی پێشمەرگەین و، دیارە لەگەڵ هێزە ئەمنییەکانی عێراق کاردەکەین کاتێک پەیوەندی بە ئەرکەکەمانەوە هەیە بۆ دڵنیابوون لە بەردەوام تێکشکاندنی داعش، بەڵام زانیاریی زیاترم لەسەر ئەو چاکسازییانە نییە.

 

سابرینا سینگ: سوپاس.

 

سابرینا سینگ: بێگومان زۆر سوپاس بۆ ئێوە. کارکردن لەگەڵ تۆ شتێکی نایاب بوو و زۆر دڵخۆشم کە ئەمڕۆ لێرەم.

 

رووداو: زۆر سوپاس.