سەرۆکشارەوانیی ناشڤیڵی ئەمریکا: زۆر دڵخۆشم بە دەستەخوشکبوونی ناشڤیڵ و هەولێر

 

 

 

جۆن کووپەر، سەرۆکشارەوانیی ناشڤیڵ بە رووداوی راگەیاند، "زۆر دڵخۆش دەبین بە ئاڵوگۆڕی پەروەردەیی و کولتووری، ئێمە 20 زانکۆ و کۆلێژمان لێرە لە ناشڤیڵ هەیە، بۆیە خۆشحاڵ دەبین ئەگەر خوێندکاری کوردمان هەبێت."

 

 

جۆن کووپەر: زۆر گەشبینم، من گەشبین و دڵخۆشم، ناشڤیڵ ئەوە دەکات کە لە توانایدایە تاوەکو بتوانێت شیاوی بوون بە دەستەخوشکی هەولێر بێت، ئەمە زۆر گرنگە بۆ کۆمەڵگەی کوردیی ئەمریکی لێرە لە ناشڤیڵ، بۆیەش گرنگە کە دەستەخوشکییەکە ببێتە پەیوەندییەکی فەرمی لەگەڵ کوردستان، هەروەها من سوپاسگوزارم کە بەشداریی کوردستان وایکردووە ناشڤیڵ شارێکی باشتر بێت. خواردنی باشتر، میوزیکی باشتر و کولتووری باشتری هەبێت و ئەمەش هاوبەشییەکی مەزنە.

 

 

جۆن کووپەر: بەڵێ، ئاڵوگۆڕ، بەرەوپێشچوون، دەمانەوێت خوێندکارمان هەبێت، بەشداریی میوزیکی، بەر لە ئێستا ڤیدیۆیەکی زۆر نایابی شارەکەمان بینی، ئەو دیمەنانە بە روونی نیشانی دەدەن کە شوێنێکی جوان و سەرنجڕاکێشە، لەڕاستیشدا چاوم لە پێشوازیکردنە لەوێ، چونکە دەستەخوشکیمان وادەکات هەموو کەسێک بیەوێت سەردانی بکات.

 

 

جۆن کووپەر: ئێمە زۆر دڵخۆش دەبین بە ئاڵوگۆڕی پەروەردەیی و کولتووری، ئێمە 20 زانکۆ و کۆلێژمان لێرە لە ناشڤیڵ هەیە، بۆیە خۆشحاڵ دەبین ئەگەر خوێندکاری کوردمان هەبێت، هەروەها لە سیستمی ئامادەییش، هەروەها لە هێزی کار و پەرەدان بە هێزی کار، تاوەکو ئاڵوگۆڕی هێزی کار و کولتووریشمان هەبێت، ئەمەش هاوبەشییەکی سەرکەوتووە کە بۆ ماوەی پازدە ساڵە لەنێوان کورد و ئەمریکا لە ناشڤیڵ هەیە، با ئەمە بنیادبنێین.