جێگری پێشووی یاریدەدەری وەزیری دەرەوەی ئەمریکا: لە بەرژەوەندی ئەمریکایە هەسەدە بپارێزێت

 

گاڤیتۆ دەڵێت، ئێستا زۆر بە وردی چاودێریی دۆخی سووریا دەکات، "من ماوەی 20 ساڵە چاودێریی سووریا دەکەم و، ئەمەی ئێستا گۆڕانکارییەکی سەرسوڕهێنەر بوو لە رووداوەکان دا." هەروەها بە گومانەوە لەوە دەڕوانێت کە "پیلانگێڕییەک لە عێراقەوە" بە سەرۆکایەتیی ئەمریکا و هاوپەیمانان هەبووبێت بۆ رووخاندنی ئەسەد. 

 

 

 

جێنیفەر گاڤیتۆ: زۆر بە وردی. من ماوەی 20 ساڵە چاودێری سووریا دەکەم و، ئەمەی ئێستا گۆڕانکارییەکی سەرسوڕهێنەر بوو لە رووداوەکان دا.

 

 

جێنیفەر گاڤیتۆ: بێگومان. دیارە جەنگەکە بۆ ماوەی 13 ساڵ بەردەوام بوو، بەڵام بە هەر هۆکارێک بێت، لە چەند ساڵی رابردوودا ململانێیەکی چەقبەستوو بوو. ئەوەی کە هێزەکانی ئۆپۆزیسیۆن هەنگاویان نا، بەتایبەتی لەگەڵ ئەوەی کە رووسیا و ئێران کەمتر فۆکەسیان لەسەر سووریا بوو بەراورد بە رابردوو، ئەوەش بەهۆی رووداوەکانی ئۆکراینا و ئیسرائیل و ئەوانی دیکە. لەوانەیە ئەوە جێگەی سەرسوڕمان نەبووبێت، بەڵام خێرایی جووڵەی ئۆپۆزیسیۆن، بە بۆچوونی من، شۆکهێنەر بوو.

 

 

جێنیفەر گاڤیتۆ: پێموایە قسەی سەرەکی لێرەدا بریتییە "لە چەند رۆژێک دا". بێگومان وەزارەتی دەرەوە و حکومەتی ئەمریکا بەگشتی، ئاگاداری خواستەکانی هەتەشە بوون بۆ کۆکردنەوەی هێزەکانیان و رووخاندنی رژێمی ئەسەد، بەڵام لە چەند رۆژێک دا، بۆ من قورسە بیر لەوە بکەمەوە کە خەڵکانێک چاوەڕێی ئەوەیان کردبێت بەم شێوەیە رووبدات، بەتایبەتی چونکە رووسیا و ئێران هەریەکەیان بە شێوازی خۆیان سووریایان وەکو بەشێکی گرنگی ستراتیژی هەرێمی دەبینی، تەنانەت رووسیا وەکو ستراتیژی جیهانی دەیبینی.

 

جێنیفەر گاڤیتۆ: بەڵێ، ماوەیەکی درێژ.

 

 

جێنیفەر گاڤیتۆ: دەبێ بگەڕێینەوە بۆ هاوکارەکانی پێشووم لە وەزارەتی دەرەوە بۆ هەر وردەکارییەک لەسەر ئەوەی چ جۆرە هاوئاهەنگییەک هەبووە. وەکو حکومەت، بێگومان وەکو دیپلۆماتکار، ئەرکی ئێمە قسەکردن بوو لەگەڵ هەموو پێکهاتەکانی کۆمەڵگە، بێگومان کارمەندانمان لە ماوەی چەندین ساڵی رابردوودا هەوڵیان دەدا زانیاری وەربگرن و لە پەیوەندی نزیکدا بوون لەگەڵ هەموو ئەو گرووپانە بۆ تێگەیشتن لە نیازەکانیان، بەڵام سەبارەت بە پیلانگێڕییەکی گەورەتر بۆ رووخاندنی ئەسەد بەوشێوەیە، لەم کاتەدا، من زۆر گومانم لەو قسانە هەیە.

 

 

جێنیفەر گاڤیتۆ: پێموایە لەوانەیە راست نەبێت.

 

 

جێنیفەر گاڤیتۆ: راستە.

 

 

جێنیفەر گاڤیتۆ: بێگومان.. با هەنگاوێک بچینە دواوە، بەڕاستی ئەم هەفتەیە جیهان شوێنێکی باشترە کە ئەسەد لە سووریا لە دەسەڵات دا نەماوە. هەڵوێستی ئەمریکا، وەکو ئاماژەت پێدا، بۆ ساڵانێک ئەوە بووە کە ئەسەد ناتوانێت سەرکردەیەکی شەرعی بێت بۆ سووریاییەکان، بەتایبەتی دوای بەکارهێنانی چەکی کیمیایی دژی خەڵکەکەی خۆی. بۆیە سووریا ئەمڕۆ زۆر باشترە چونکە ئەسەد لەوێ نییە.

 

 

جێنیفەر گاڤیتۆ: راستە. دەمەوێت ئەوە روونبکەمەوە کە پێموایە، سەرەتا و گرنگتر لە هەمووی، ئەم هەفتەیە دەبێت دان بەوە دابنێین کە شتێکی ئەرێنییە ئەسەد چیتر ئەشکەنجەی گەلەکەی نادات، بەڵام تۆ راست دەکەی، هەتەشە لەلایەن حکومەتی ئەمریکا، نەتەوە یەکگرتووەکان و زۆر لە هاوبەشەکانمان لە جیهان دا وەکو رێکخراوێکی تیرۆریستی ناسێندراوە. ئەمە ئاستەنگێکە، بەڵام ئەوەی لە سەرۆک و وەزیری دەرەوە بیستوومانە، بێگومان دەرگەیەک دەکاتەوە بۆ رێگەیەکی نوێ بۆ هەتەشە و سووریا بەگشتی. وەزیری دەرەوە دوێنێ کۆمەڵێک مەرجی دانا کە پێویست بوون بۆ ئەوەی ئەمریکا و لەوانەیە هاوپەیمانان و هاوبەشەکانمان حکومەتی نوێ لە سووریا بناسێنن، لەوانە گواستنەوەی یارمەتی مرۆیی و لەخۆگرتن ، هەر چوار خاڵەکەم لەبیر نییە. بەڵێ، دەرفەتێک هەیە بۆ پێداچوونەوە بەوەدا.

 

 

جێنیفەر گاڤیتۆ: ئەوە پەرەسەندنێک بووە. نەخێر، وەڵامی کورت ئەوەیە کە نیگەرانی قووڵ هەیە سەبارەت بە جۆلانی و چالاکییەکانی رابردووی هەتەشە، بەڵام واقیعەکە ئەوەیە کە ئەمڕۆ تێیداین. کردەوەکانیان لە داهاتوودا چی دەردەخەن، سەرەڕای هەندێک لە لێدوانە زۆر گرنگەکانیان لە رۆژانی رابردوودا. بێگومان چەند هەفتە و چەند مانگێک گرنگن بۆ باسکردنی گشتگیری و پاراستنی کەمینە ئایینییەکان. ئەوانەش بابەتێکن وەکو دەزانین لە سەرانسەری ناوچەکەدا گرنگییەکی زۆریان هەیە. بۆیە ئەو نیگەرانیانە سەبارەت بە جۆلانی ناڕەوێنەوە، بەڵام پێموایە گرنگە نەک تەنیا بۆ ئەمریکا، بەڵکو بۆ هەموو دۆستانی سووریا و هاوبەشە هەرێمییەکان کە دەرفەت بدەن بۆ دەرکەوتنی جۆرێکی نوێ لە حکومەت کە رێز لە مافەکانی مرۆڤ و کەمینە ئایینییەکان بگرێت. بۆیە ئەگەر جۆلانی و هەتەشە بتوانن قۆناخی گواستنەوە جێبەجێبکەن و ببنە بەشێک لە سووریای نوێ، ئەوا ویلایەتە یەکگرتووەکان دەبێتە هاوبەشێکی باشیان. 

 

 

جێنیفەر گاڤیتۆ: چاوەڕێی گفتوگۆی زۆر دژوار دەکەم لەسەر ئەو کارانەی ئێستا سوپای نیشتمانی سووریا بە پشتیوانی تورکیا لە باکووری سووریا دەیانکات. ئەو وێنانەی بینیومانن، مامەڵەکردن لەگەڵ هاووڵاتیان، هەروەها هەوڵدان بۆ بەکارهێنانی ئەم دەرفەتە بۆ دەستبەسەرداگرتنی ناوچەکانی ژێر کۆنترۆڵی هەسەدە، پێموایە لە باشترین حاڵەتدا ناسەقامگیری دروست دەکات و پێچەوانەی ئەوەیە کە تازە باسمان کرد، ئەویش هەوڵی پێکهێنانی حکومەتێکی سووری نوێ و باش و گشتگیر.

 

 

جێنیفەر گاڤیتۆ: نەخێر.

 

 

جێنیفەر گاڤیتۆ: بەڵێ. من بیرم چوو ئەوە بڵێم کە کاتێک باسی بەرژەوەندی ئەمریکا لە سووریا و ئەو مەرجانەی دەبێت هەبن دەکەین...

 

 

جێنیفەر گاڤیتۆ: بەرژەوەندی ئەمریکا زیاتر پەیوەندی بە پاراستنی ئەو سەربازانەوە هەیە کە نزیکەی 900 سەرباز دەبن، کە لە باکووری رۆژهەڵاتی سووریان بە هاوئاهەنگی لەگەڵ هاوبەشەکانمان لە هەسەدە بۆ شەڕی دژی داعش.

 

 

جێنیفەر گاڤیتۆ: بێگومان بەڵێ. پێموایە ئەمە بەشێک دەبێت لەو گفتوگۆ زۆر دژوارانە لەگەڵ تورکیا.

 

 

جێنیفەر گاڤیتۆ: من واقیعبینم سەبارەت بە هەڵوێستی تورکیا تاوەکو ئێستا. لەگەڵ ئەوەشدا، هیوادارم کاتێک تورکیا سەیری وێنە گەورەکە دەکات و دەرفەتێک بۆ سەقامگیری دەبینێت، کە حکومەتێکی گشتگیر بۆ هەمووان دروست ببێت. پێشتر عەلەوییەکان هەبوون، رژێم هەبوو، کورد هەبوو، سوپای نیشتمانی سووریا هەبوو بە پشتیوانی تورکیا. هەموو ئەو پێکهاتە جیاوازانە هەبوون، بەڵام بەشێوەیەکی سەرەکی ئەوەی ئەمڕۆ هەیە، کورد لەگەڵ هێزەکانی ئۆپۆزیسیۆنن. کۆنترۆڵ کردنەکە بەوشێوەیە دەبێت. ئەگەر ئەم دوو لایەنە بتوانن پێکەوەبن و حکومەتێکی گواستنەوە دروست بکەن کە مافەکانی گەلی سووریا بپارێزێت و گرنگتریش..

 

 

جێنیفەر گاڤیتۆ: پێموایە ئەمە باشترین دەرفەتە کە دەکرێت لە سووریا هەمانبێت. نیازباشی لەلایەن کۆمەڵگەی نێودەوڵەتییەوە هەیە، بەڵام نامەوێت تورکیا لەبەرچاو نەگرم، لە بەرژەوەندی تورکیایە کە سەقامگیری لە سووریا هەبێت. ئەمە ئەو دەرفەتەیە کە دەتوانن بیکەن. بەڵام پێویستی بە سازش و دۆزینەوەی رێگەیەک هەیە لە نێوان سوپای نیشتمانی و هەسەدە بۆ یەکگرتن و پێکهێنانی حکومەتێکی گواستنەوە. ئەمە لە بەرژەوەندی تورکیایە، پێموایە ئەمە بنەمایەک دەبێت بۆ گفتوگۆکان لە نێوان وەزیر بلینکن و هاوتاکەی لە ئەنقەرە.

 

 

جێنیفەر گاڤیتۆ: بێگومان.

 

 

جێنیفەر گاڤیتۆ: سەرەتا، پێموایە هەڵە دەبێت دان بەوە دانەنێین کە ئەمە دۆخێکی ئێجگار ناسەقامگیر و مەترسیدارە، چونکە وایە، بەڵام ئیدی ئەوە دۆخەکەیە. با بگەڕێینەوە بۆ سەرەتا، سووریایەک بەبێ ئەسەد لە بنەڕەتدا باشترە لە سووریایەک لەگەڵ ئەسەد. راستە دۆخەکە ئێجگار مەترسیدار و ناسەقامگیرە. ئەمە گوتراوە، ئەگەر هەرکاتێک دەرفەتێک هەبووبێت بۆ حکومەتێک کە نوێنەرایەتی گەلی سووریا بکات، ئەمە ئەو کاتەیە. ئەو پەنجەرەیە بۆ ماوەیەکی درێژ نامێنێتەوە. من و تۆ هەردووکمان دەزانین ناوچەکە لە زۆر شوێنی دیکەش لە ئاژاوەدایە. بەڵام چاوی جیهان ئێستا لەسەر سووریایە، پێموایە بەشێوەیەکی سەرەکی ئەمریکا، هاوبەشە ئەورووپاییەکان، نەتەوە یەکگرتووەکان، دەبێت سەرەتا رێز لەوە بگرن کە ئەمە پرۆسەیەکە بە سەرکردایەتی سووریاییەکان، بەڵام لە هەمان کاتدا دەبێ توانا و ئامادەییان هەبێت بۆ دابینکردنی ئەو ئامرازانەی پێویستن بۆ ئەوەی سووریاییەکان خۆیان سەقامگیری دروست بکەن. ئەمە دەمانگەڕێنێتەوە بۆ پرسیاری پێشووت سەبارەت بەوەی چی بکەین لەگەڵ هەتەشە. کردنەوەی دەرگا بۆ لابردنی لە لیستی تیرۆر، بۆ دڵنیابوون لەوەی پشتیوانی دەکرێت لەنێو حکومەتێکی گواستنەوە دا کە هەتەشە تێیدا بەشێکی گرنگە، پێموایە یەکێکە لەو بوارانەی کە کۆمەڵگەی نێودەوڵەتی دەتوانێت پشتیوانی بکات، بە مەرجێک، کە هەڵسوکەوتەکانی جۆلانی و هەتەشە بەردەوام بن لە جەختکردنە سەر لە خۆگرتن و پاراستنی هەموو سووریاییەکان.

 

 

جێنیفەر گاڤیتۆ: پێموایە ئەوە پرسیارێکی کراوەیە. پێموایە ئەوە شتێک نییە کە لەم ماوە کورتەدا چارەسەر بکرێت. کەس و گرووپی زۆر لە سووریا تاوانی نەگوتراوی قێزەونیان ئەنجامداوە. ئەوە دەبێت بەشێک بێت لە پرۆسەیەکی ئاشتەوایی نیشتمانی لە داهاتوودا، بەڵام بۆ ئێستا، پێموایە دەبێت جەخت بکرێت لەسەر سەقامگیرکردنی دۆخی سیاسی، دڵنیابوون لەوەی یارمەتییەکان دەگەنە شوێنی پێویست، بەڵام تۆ پرسیارت کرد کە ئایا پێموایە ئەمە دەکرێت، دووشت زۆر سەرنجڕاکێش بوون بۆ من لەم هەفتەیەدا. یەکەم ئەو گوتارە بوو لە هەموو گرووپە جیاوازەکانەوە کە باسی ئەوە دەکەن ئێمە هەموومان سوورین. وەکو دەزانیت، ئەمە لە شوێنەکانی دیکەی ناوچەکە بەم شێوەیە نەبووە. بۆیە، ئەگەر سووریاییەکان بتوانن دەست بەم ناسنامە نیشتمانییە و ئەو هەستی بەرپرسیارێتییەوە بگرن بۆ داهاتووی سووریا، پێموایە ئەمە بەردی بناخەی سەرەکییە بۆ پێشڤەچوون. شتێکی دیکە کە ئەم هەفتەیە هیوای زۆر و زەردەخەنەی پێبەخشیوم، من لە کاتی قەیرانی پەنابەرانی سووریا لە ئەورووپا کارم دەکرد، کە ئەو شاڵاوی پەنابەرانە دەبینی کە دەگەڕێنەوە بۆ سووریا لە تورکیاوە، لە ئوردنەوە، لەوانەیە لە ئەورووپاوە، بەڕاستی ئەوە قسەی زۆر هەڵدەگرێت کە سووریاییەکان خۆیان چۆن هەست بە وڵاتەکەیان دەکەن و هەروەها ئەو بەرپرسیارێتییەی هەستی پێدەکەن کە دەیانەوێ بەشێکبن لە دووبارە بنیاتنانەوەی وڵاتەکەیان. کەواتە دیسانەوە، رێگەیەکی ئاسان لە پێش نییە، بەڵام بەڕاستی باوەڕم وایە کە ئەگەر کۆمەڵگەی نێودەوڵەتی بتوانێت رۆڵی پشتیوانیکردن نەک خۆسەپاندن بگێڕێت، پێموایە بوار هەیە بۆ داهاتوویەکی باشتر.

 

 

جێنیفەر گاڤیتۆ: بێگومان. پێموایە ناکرێت ئەو ئەگەرە وەلابنرێت، بەڵام دیسانەوە پێموایە ئەمە دەگەڕێتەوە بۆ ئەو گفتوگۆ دژوارانە، بێگومان لەگەڵ تورکیا، لەگەڵ ئیسرائیل تاوەکو رادەیەک. ئەوەی کۆمەڵگەی نێودەوڵەتی و دراوسێیەکانی سووریا پێویستە ئێستا بیکەن ئەوەیە دەبێ هەر شتێک کە لە توانایاندایە بیکەن بۆ سەقامگیرکردنی دۆخەکە، نەک ناسەقامگیری، بەڵام ئێمە ئەوە لەم ساتەدا نابینین.

 

 

جێنیفەر گاڤیتۆ: بێگومان پێموایە لە بەرژەوەندی ئەمریکایی هاوبەشەکەمان هەسەدە بپارێزێت و هەروەها لەگەڵ تورکیا کار بکات بۆ دڵنیابوون لەوەی کە ئەو ناوچەیە زیاتر ناکەوێتە نێو شەڕەوە. ئەمە پێش هەموو شتێک لە بەرژەوەندی ئێمەدایە. پێویستیمان بە ئیسرائیل نییە بۆ ئەوەی باوەڕ بە ئێمە بێنێت کە ئەوە لە بەرژەوەندی ئێمەدایە.

 

 

جێنیفەر گاڤیتۆ: ئەگەر من لەو گفتوگۆیانەدا بوومایە، کە نیم، ئیسرائیلم هۆشیار دەکردەوە بەهەمان شێوە حکومەتی خۆشمانم ئاگاداردەکردەوە کە ئەم ساتە پێویستی بە جوڵەیەکی زۆر بچووکە. سووریاییەکان بوون کە سووریایان ئازادکرد. دەبێت سووریاییەکانیش رێگە بۆ دووبارە بنیاتنانەوەی سووریا دابنێن. ئەوەی هاوپەیمان و هاوبەشەکانمان، لەوانە ئیسرائیل و تورکیا پێویستە بیکەن ئەوەیە ئەم دەرفەتە دابین بکەن و زیاتر دۆخەکە ناسەقامگیر نەکەن. قسەکردن لەسەر چۆن دەتوانین بچین خۆمان بسەپێنین، شتێک نییە کە من بمەوێ پێشنیازی بکەم. 

 

 

جێنیفەر گاڤیتۆ: دیسانەوە، پێموایە دەگەڕێتەوە بۆ ئەوەی کە ئەمە دۆخێکی ناسەقامگیر و مەترسیدارە و دەرفەتی دیکە دەڕەخسێنێت. ناسەقامگیری دەتوانێت بە ئاسانی بڵاوببێتەوە. لەماوەی دەیەی رابردوودا بینیومانە کە تووندوتیژی لە سووریا لە سنوورەکانی سووریادا نەمایەوە. بووە گۆڕەپانی هێزە جیهانییەکان لەوانە ئێران، میلیشیا عێراقییەکان و ئەوانەی دیکەش بۆ ئەنجامدانی هێرش بۆ ناسەقامگیری لە سەرانسەری ناوچەکەدا. بۆیە پێموایە سەرکردە عێراقییەکان مافی خۆیانە نیگەرانبن کە ئەگەر شەڕی تووند دووبارە هەڵبگیرسێتەوە دوای ماوەیەک لە ململانێی چەقبەستوو، کە ئەمە کاریگەری ناسەقامگیرکەری لەسەر خودی عێراق دەبێت. پاشان ئەو رەهەندەشی لەگەڵ زیاد دەکەیت کە بەتایبەتی لە هەرێمی کوردستانی عێراق هەیە لەگەڵ هاوئاهەنگی لەگەڵ هەسەدە، ئەوەش شتێکی دیکەیە لە ئەگەری دروستبوونی ناسەقامگیری و زیاتربوونی ململانێ. دەزانیت، ئەگەر تورکیا هەست بە بەهێزی بکات بەردەوامبێ لە لێدانی هەسەدە، بینیومانە کە بەردەوام لەنێو عێراق دەدەن. دیسانەوە، ئەمە تەنیا بەنزین دەکات بە ئاگرەکەدا. بۆیە من پێشوازی لە بڕیاری حکومەتی عێراق دەکەم خۆی بگرێت و تێوە نەگلێت. پێموایە ئەم هەڵوێستەمان لە زۆربەی وڵاتان بینیوە، لەوانەیە سەرسوڕهێنەرترینیان تاوەکو رادەیەک لە ئێران و خودی رووسیاوە بێت. لە بەرژەوەندی کەس نییە ئەوەی لە سووریا روودەدات ببێتە تاقیکردنەوەیەکی شکستخواردووی دیکە. 

 

 

جێنیفەر گاڤیتۆ: بۆ من قورسە پێشبینی ئەوە بکەم کە بەشێک دەبێت لەو گفتوگۆیانەی ئێستا روودەدەن. ئەوەی بینیومە و بیستوومە، لەوانە لە گەلی سووریاوە، باسی سووریایەکی سەروەر و یەکپارچە دەکرێت، وڵاتێک کە ماڵ بێت بۆ کۆمەڵگەیەکی فرە نەتەوە . ئەوەیە کە جەختی لەسەر کراوە. 

 

 

جێنیفەر گاڤیتۆ: ژمارەی هێرشەکانی داعش لەساڵی رابردوودا بە شێوەیەکی بەرچاو زیادیان کردووە. رۆژهەڵاتی نێوەڕاست کە ئیدارەی دووەمی دۆناڵد ترەمپ بە میرات وەریدەگرێت زۆر جیاوازە لە ئیدارەی یەکەمی ترەمپ. پێموایە گفتوگۆ دەکرێت لەسەر ئەوەی کە ئایا ئەو سەربازانە لە سووریا بکێشنەوە یان نا. جاری پێشوو ئەوە هەبوو. لە کۆتاییدا رووینەدا. بۆیە پێموایە ئەم ئیدارەیە و تیمی ئاسایشی نیشتمانی کە ئەزموونی هەیە، سەیری مەترسی رێژەیی مانەوەی ئەمریکا لەوێ دەکەن. دەبێت ئاماژە بەوەش بکەم، ئەوە گوزارشتە لە ئەمریکا بەگشتی، کە ئەمریکییەکان کەمتر پشتیوانی لە بەشداری ئەمریکا دەکەن لە ململانێ دەرەکییەکاندا، چونکە وایدەبینن ململانێی ئەوان نییە. دەتوانین گفتوگۆ لەسەر ئەوە بکەین کە کامە ململانێی ئێمەیە و چ بەرپرسیارێتییەکمان هەیە، بەڵام رەنگدانەوەی بۆچوونی دەنگدەران ئەوەیە، ئیدارەی ترەمپیش رەنگدانەوەی ئەوەیە، بەڵام پێموایە تەماشای تواناکانی داعش دەکەن، هەروەها سەیری دۆخە نوێیەکەی سووریا دەکەن، کە یەکێک لە گەورەترین مەترسییەکانی هەموو ئەمانە، دیسانەوە، ئەوەیە کە بۆشاییەکی دەسەڵاتت هەیە کە داعش دەتوانێت بەکاریبهێنێت بۆ ناسەقامگیرکردنی ناوچەکە. بۆیە، پێموایە تیمەکە سەیری هەموو ئەوانە دەکات و هەڵسەنگاندن دەکات. ئەگەر مەزەندەیەک بکەم، پێموایە ئەو هێزانە لە شوێنی خۆیان دەمێننەوە چونکە داعش هێشتا تێکنەشکاوە. لە راستی دا، لە هەڵکشاندان و توانایان هەیە کە دۆخی سووریا زیاتر بەکاربێنن بۆ بەدەستهێنانی دەستکەوتی زیاتر. بۆیە دڵنیام ئەو گفتوگۆیانە روودەدەن. باشترین مەزەندەم ئەوەیە کە ئەمە بڕیاری کۆتایی نابێت.

 

 

جێنیفەر گاڤیتۆ: مەبەستم ئەوەیە رۆژهەڵاتی نێوەڕاست جیاوازە. چەند ساڵێکە ناسەقامگیری لەم ناوچەیەدا هەیە. بۆیە رۆژهەڵاتی نێوەڕاستی 2016 زۆر جیاوازە لە رۆژهەڵاتی نێوەڕاستی ئەمڕۆ. بۆیە، ئەوەی چاوەڕێ دەکەم ئیدارەی ترەمپ پشتیوانییەکی بەهێزی ئیسرائیل بکات، بەردەوامبوونی پشتیوانی وەکو پێویستییەک بۆ کۆتاییهێنان بە ململانێیەکان لە غەززە، لە لوبنان کەمتر چونکە ئێستا ئاگربەست کەم تاوەکو زۆر بەردەوامە، بۆ ئەوەی رێگە بە ئیسرائیل بدرێت ئامانجەکانی خۆی بپێکێت وەکو بە ئیدارەی نوێ راگەیێندراوە. پێموایە ئەوە خاڵی سەرەکی دەبێت. پێموایە هەڵوێستێکی زۆر تووند دەبینین بەرامبەر ئێران. بێگومان یەکێک لەو بوارانەی کە لە چوار ساڵی رابردوودا گۆڕاوە پێشکەوتنی بەرنامەی ئەتۆمی ئێرانە. دەتوانیت ئاماژە بە کشانەوەی ئەمریکا لە JCPOA بکەیت وەکو هۆکارێکی گرنگ لەوەدا، بەڵام راستییەکە ئەوەیە کە ئەمڕۆ بەرنامە ئەتۆمییەکەیان زۆر پێشکەوتووترە لەوەی پێش چەند ساڵێک. بۆیە پێموایە هەوڵێکی بەهێزی دەبێت بۆ راگرتنی ئەو بەرنامە ئەتۆمییە. لە هەمان کاتدا، بەشێکی گرنگی ئەوەی کە ئەمریکا بتوانێت لە پێگەیەک دابێت بۆ پاشەکشەکردن لە رۆژهەڵاتی نێوەڕاست ئەوەیە کە دەبێت تاوەکو رادەیەک سەقامگیری هەبێت. سەرۆک خۆی بە شارەزای رێککەوتن دەزانێت. بۆیە تەنانەت کاتێک هەڵوێستێکی تووند بەرامبەر ئێران دەگرێتەبەر، پێموایە بە شێوەیەک دەبێت کە چۆنیەتی گەیشتن بە جۆرێک لە رێککەوتن مسۆگەر بکات و، ئێران پاشەکشە پێبکات، نەک تەنیا لە بەرنامە ئەتۆمییەکەی، بەڵکو لە کاریگەری خراپی لە ناوچەکەدا، ئەوەش پێشتر لاوازکراوە بەهۆی ئۆپەراسیۆنەکان دژی حیزبوڵڵا و سووریا و ئەوانەی دیکە. بۆیە پێموایە ساتێکی گرنگ لێرەدا هەیە.

 

 

جێنیفەر گاڤیتۆ: بێگومان. ئەوەش بەردەوامبوونی سیاسەتی ئیدارەی بایدن دەبێت. ئەمریکا لەمێژە نیگەرانییەکی ئێجگار زۆری هەبووە لەسەر ئەو کاریگەرییەی کە ئێران لە عێراق دا هەیەتی. پێموایە ئیدارەی ترەمپ هەمان نیگەرانی دەبێت و هەوڵدەدات رێگە بدۆزێتەوە بۆ کۆتاییهێنان بەوە. لەگەڵ ئەوەشدا، ئەگەر من راوێژم بدابووایە ئیدارەی نوێ، بەڕاستی دەگەڕامەوە بۆ ئەو چەمکەی لە چەند ساڵی رابردوودا پەرەمان پێداوە، کە بەڕاستی یارمەتیدانی عێراقە بۆ ئاراستەکردنی بەرەو دەوڵەتێکی عەرەبی میانڕۆ. بۆیە بەهێزکردنی پەیوەندییەکانی، چ وزە یان پەروەردە یان تەندروستی لەگەڵ وڵاتانی کەنداو، سەربەخۆبوونی وزە لە ئێران بۆ ئەوەی پشت بە وزەی ئێرانی نەبەستێت، چونکە دواتر ئێران دەتوانێت وەکو چەکێک بەکاریبهێنێت بۆ کاریگەری خستنەسەر حکومەتی عێراق. پاشان بەردەوامبوون لە پەرەپێدانی پەیوەندی لەگەڵ عێراق بە شێوەیەک کە پشتیوانی لە عێراقێک بکات کە سەقامگیر و لە ئاشتی دا بێت لەگەڵ خۆی، بتوانێت سنوورەکانی خۆی بپارێزێت، پەیوەندییەکی بەرهەمدار و هاوکاری لەگەڵ هەموو لایەنەکان هەبێت لەوانە باکووری عێراق و هەرێمی کوردستان. بۆیە، دیسانەوە، ئەگەر سەیری ستراتیژەکە بکەیت بۆ ئەوەی ئامانجی کۆتایی چی دەبێت. پێموایە بەردەوامبوونی ئەوەی هەوڵمانداوە لەم رووەوە لە چەند ساڵی رابردوودا باشترین ئامراز دەبێت بۆ بەدیهێنانی ئەوەی کە دڵنیام جەختی ئیدارەی ترەمپ دەبێت لەسەر کەمکردنەوەی کاریگەری ئێران.

 

 

جێنیفەر گاڤیتۆ: چاوەڕێ دەکەم. زۆر سوپاس.