فوئاد حوسێن بۆ رووداو: بەمزووانە شاندێکی هەرێمی کوردستان بۆ پڕۆژەیاسای نەوت و گاز سەردانی بەغدا دەکات

داڕشتنەوە: شەنگە ئەحمەد

رووداو - واشنتن 

 

وەزیری دەرەوەی عێراق رایگەیاند، لەگەڵ بەرپرسانی ئەمریکا ژمارەیەک کۆبوونەوەی گرنگیان دەبێت و دەشڵێت ئەمریکییەکان دەیانەوێت بزانن ئەو دۆلارەی بۆ عێراقی دەنێرن، هەر لە عێراق بەکاردەهێندرێت یان دەبرێتە ئەو ناوچانەی ئەوان کێشەیان لەگەڵدا هەن.

 

شاندەکەی عێراق لە واشنتنی پایتەختی ئەمریکان. پێش کۆبوونەوەیان لەگەڵ ئەمریکییەکان، د. فوئاد حوسێن، وەزیری دەرەوەی عێراق لە هەڤپەیڤینێکی کورتدا لەگەڵ دیار کوردە، بەڕێوەبەری نووسینگەی رووداو لە واشتن، باسی ئەجێندای سەردانەکەیانی کرد و رایگەیاند: "ئێستا لە ئەمریکاین بۆ چارەسەرکردنی ئەو گرفتانەی لە ماوەی رابردوودا دروست بوون".

 

سەبارەت بە پەیوەندییەکانی عێراق و هەرێمی کوردستان، فوئاد حوسێن گوتی، پەیوەندییەکان بەرەو باشی دەچن، بەمزووانە شاندێکی هەرێمی کوردستان بەمەبەستی ئامادەکردنی پرۆژەیاسای نەوت و گاز لەگەڵ عێراق، سەردانی بەغدا دەکات.

 

دەقی هەڤپەیڤینەکەی رووداو لەگەڵ وەزیری دەرەوەی عێراق:

 

 

فوئاد حوسێن: ئەم بابەتانە کێشەی ئەمریکا و عێراقیشە، عێراق بەدواداچوونی بۆ پرسی دۆلار کرد و کۆمەڵێک رێکاری گرتووەتەبەر. دەستمانکرد بە جێبەجێکردنی ئەو رێکارانە، کە رێکاری ناوخۆن. ئەو رێکارانەی پەیوەندییان بە ئەمریکاوە  هەیە، ئێمە  لێرەین بۆ  رێککەوتن لەگەڵ لایەنی ئەمریکی، لە کۆتاییدا دۆلار دراوی خۆیانە و ئەوان دەینێرن بۆ ئێمە. ئەوان سیاسەتی خۆیان هەیە، سیاسەتەکەیان پەیوەندی بەو کێشانەوە هەیە کە لە دەوروبەری عێراق هەن. ئەوان دەیانەوێ بزانن دۆلار دەچێتە بازاڕی عێراق یاخود شوێنی دیکە، لەو چوارچێوەیەدا ئێمە ئەو باسانەیان لەگەڵ دەکەین.

 

 

فوئاد حوسێن: بە هاوکاریی هەردوولا کۆمەڵێک رێکار گیرانەبەر، هەم بانکی ناوەندیی عێراق و هەم بانکی فیدراڵیی ئەمریکا. هەنگاوەکانی داهاتوو پێکەوە دیراسەت دەکەین، هەر هەنگاوێک کە لە بەرژەوەندیی دراو و ئابووریی عێراقدا بێت، کاریگەری لەسەر سیاسەتی دارایی ئەمریکا نەبێت، جێبەجێی دەکەین.

 

 

فوئاد حوسێن: بە دڵنیاییەوە هەموو بابەتەکان باس دەکەین، بەڵام بابەتەکان هەستیارن و هەموویان بۆ راگەیاندن نابن، ئێستا هەر شتێک بگوترێت کاریگەری لەسەر نرخی دۆلار و دینار دروست دەکات، بۆیە پێمباشە دوای کۆبوونەوەکە هەرشتێک کە پێویست بکات باس بکرێت، باس بکەین.

 

 

فوئاد حوسێن: بابەتی سزای ئەمریکا بەرامبەر رووسیا، ئەوە سیاسەتی خۆیانە، ئێمە کێشەیەکمان هەیە، چەند کۆمپانیایەکی رووسی لە عێراق کاریان کردووە، هەندێکیان کارەکانیان تەواو بووە، یاخود کاڵایان بە عێراق فرۆشتووە، بەرامبەر ئەوە، ئێمە پێویست بووە پارەیان پێبدەین، کێشەکە بۆ ئێمە ئەوەیە ئێستا کە کاڵامان کڕیوە پارەمان نەداوە بەهۆی سزاکانی ئەمریکا بۆ سەر رووسیا، ئێمە دەبێت پارەیان پێبدەین.

 

 

فوئاد حوسێن: ئەم بابەتە دەربارەی رووسیایە.

 

 

فوئاد حوسین: باسی رابردوو دەکەین نەک داهاتوو.

 

 

فوئاد حوسێن: هەروەختێک پرسیاریان کرد وەڵامیان دەدەمەوە.

 

 

فوئاد حوسین: ئێمە رۆژانە لەگەڵ هەرێمی کوردستان لە پەیوەندیداین و باسی گرفتەکان دەکەین. دوور نییە لە ماوەیەکی زۆر نزیکدا شاندێکی هەرێمی کوردستان بچێتە بەغدا بۆ باسکردنی پڕۆژەیاسای نەوت لەگەڵ بەرپرسانی نەوتی عێراق و پێکەوە پرۆژەیەک پێشکەشی پەرلەمانی عێراق بکەین.

 

 

 فوئاد حوسێن: من، باسی بڕیاری دادگای فدراڵی ناکەم، بەڵام باسی پەیوەندیی هەرێم و بەغدا دەکەم، کە بەرەو باشی دەچێت و ئەو گرفتانە چارەسەر دەبن.

 

 

فوئاد حوسێن: من لە حکومەتی پێشوو بەرپرسی ئەو ئیدارەیە بووم، ئێستاش ئیدارەی هەمان پرس دەکەم.

 

 

فوئاد حوسێن: من، ئەوەتا لێرەم بۆ ئەوەی هەر نیگەرانییەک هەبێت، باسی بکەین.

 

 

فوئاد حوسێن: باوەڕناکەم داواکارییان هەبێ، گفتوگۆ دەکرێت، چۆن مامەڵە بکەین لەگەڵ ئەو شتە، چۆن چارەسەری ئەو کێشەیە بکەین.

 

 

فوئاد حوسێن: نەخێر.

 

 

فوئاد حوسێن: نازانم، بەڵام ئێستا لەم کاتەدا هیچ بەرنامەیەک نییە.