خۆراکناسێک ناوی ئەو خۆراکانە ئاشکرادەکات کە تەمەن درێژدەکەن

 

ئەمڕۆ سێشەممە 31-12-2024 ئەوین هیوا، خۆراکناس بە رووداوی راگەیاند، سەوزە و میوەکان دەوڵەمەندن بە دژەئۆکسێنەکان کە دژی شێرپەنجە کاردەکەن و هەوکردنیش کەمدەکەنەوە ئەمەش دەشێت هۆکارێک بێت بۆ تەمەندرێژی و باشتربوونی جەستە.

 

ئەوین هیوا، خۆراکناس دەڵێت: ئێستا بڵاوترین و باشترین رێژیمی خۆراکی کە پەیڕەودەکرێت و پەسندە لە جیهاندا، رێژیمی خۆراکیی مێدیتێریانە، کە بایەخ بە خواردنی سەوزە و میوەکان دەدرێت و گۆشتی ماسی و مریشکیش لەبری گۆشتی سوور دەخورێت.

 

لەبارەی میوەخواردنەوە گوتی، پێویستە لەبری شیرینییەکان، میوە بخورێت بەتایبەت لە بەیانیان و دوای نیوەڕوان. هەروەها گوتیشی، خواردنی میوە لە شەودا باش نییە و هۆرمۆنەکان تێکدەدات.