سەرۆک بارزانی لە کاتی پێشکێشکردنی گوتارەکەی لەنێو کۆنفرانسەکە.
رووداو - تەندروستی
لە هەولێر کۆنفرانسی پزیشکیی میزۆپۆتامیا بە ئامادەبوونی سەرۆک بارزانی و مەسرور بارزانی دەستیپێکرد، سەرۆک بارزانی لە گوتەکەیدا ئاماژەی بە پێشکەوتنی زیاتری کەرتی تەندروستیی هەرێمی کوردستان کرد و هیوای خواست کە کەرتی تەندروستی بەجۆرێکی لێبێت کە چیدیکە خەڵک بۆ چارەسەر نەچنە دەرەوە.
ئەمڕۆ پێنجشەممە 31-10-2024 سەرۆک بارزانی لەنێو کۆنگرەکە رایگەیاند: ''بوونی پزیشکان و زانایان سەرمایەیەکی گەورەیە بۆ میللەتی کورد و زانایەکی کورد لە هەر شوێنێکی جیهان نێوبانگی هەبێت، ئێمە شانازی پێوە دەکەین''.
سەرۆک بارزانی لەبارەی پلانی حکومەتی داهاتوو جەختی لە بنبڕکردن و قەدەخەکردنی مادەی هۆشبەر کردەوە و دەشڵێت: ''دەبێت کەرتی پەروەردە، تەندروستی، کشتوکاڵ و گەشتوگوزار بگەنە بەرزترین ئاست''.
کۆنگرەی پزیشکیی میزۆپۆتامیا بە بەشداری سەتان پزیشک کە لە ناوچە جیاوازەکانی کوردستانەوەن بەشدارن و زیاتر لە 90 پزیشکیش لە دەرەوە وڵاتەوە هاتوون؛ پسپۆڕان توێژینەوە و نوێترین داهێنانەکانی بواری تەندروستییان باسدەکەن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ