د. ئازاد نەجار.
رووداو - تەندروستی
لە دهۆک پەیمانگەیەکی نوێ لە زانکۆی پۆلیتەکنیکی بە ناوی 'نوێگەری و داهێنان' کرایەوە، بە گوتەی سەرۆکی بەشەکە، ئامانجیانە داهێنەران کۆبکەنەوە و پاڵپشتیی تواناکانیان بکەن.
ئەمڕۆ پێنجشەممە 31-10-2024 د. ئازاد نەجار، دامەزرێنەری پەیمانگەی 'نوێگەری و داهێنان' لە زانکۆکە بە رووداوی راگەیاند، دەمانەوێت هەر کەسێک داهێنان یاخود پێشکەوتنێکی پزیشکی و تەندروستی کردووە بێن و ناویان تۆماربکەن.
د. ئازاد نەجار کە خۆی داهێنەری دڵی دەستکردە لەبارەیەوە دەڵێت: قۆناخ بە قۆناخ لە بەرەوپێشچوونە و نزیکین لە بەکارهێنانی لەسەر ئاژەڵ.
ئەو پسپۆڕە گوتی، دوای تاقیکردنەوەی دڵەکە لەسەر ئاژەڵ، لە قۆناخی سەرەتادا بۆ پێنج کەس دڵە دەستکردەکە بەکاردەهێنین و هەڵسەنگاندنی بۆ دەکەین.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ